Memleket basshysynyń tarsyrmasyna sáikes, Batys Qazaqstan oblysynda qytai kásipkerlerimen 14 investitsiialyq jobany júzege asyrý qolǵa alyndy, dep habarlaidy Dalanews.kz.
Kórshi eldiń investorlary energetika, aýyl sharýashylyǵy, densaýlyq saqtaý siiaqty birqatar mańyzdy salalarǵa jalpy quny 134 milliard teńgeden astam qarjy salýǵa nietti. Bul baǵytta eki jaqty naqty kelisim bar. Endi sanaýly kúnderden keiin eki zaýyttyń qurylysy bastalady. Oǵan qajetti qural-jabdyq tielgen konteinerlerdiń alǵashqy legi Qytaidyń Veifan qalasynan elimizge qarai jóneltildi.
Aldymen indýstrialdy aimaqta qýaty 34 megavatt bolatyn gaz elektr stantsiiasy salynady. Bul joba keiingi óndiris oryndaryn turaqty energiiamen qamtamasyz etýge baǵyttalǵan. Sonymen qatar munai katalizatorlaryn qaita óńdeý zaýytynyń qurylysy bastalady.
Zaýytqa qajetti qondyrǵy Qazaqstanǵa jóneltildi. Alǵashqy júkti tieý rásimine Batys Qazaqstan oblysynyń ákimi Nariman Tóreǵaliev bastaǵan delegatsiia arnaiy qatysty.
«Memleket basshysy atap ótkendei, biz shikizatqa táýeldi bolmai, óńdeý ónerkásibin, aýyl sharýashylyǵyn, óndiristi damytýǵa erekshe mán berip otyrmyz. Bul jobalar óńir ekonomikasynyń damýyna eleýli serpin beredi», - dedi Batys Qazaqstan oblysynyń ákimi Nariman Tóreǵaliev.
Oblysta josparlanǵan 14 jobanyń bárin bir konsortsiým atqarady. Quramyndaǵy birneshe kompaniia tek energetika salasyn ǵana emes, agrotehnika, munai, qurylys, densaýlyq saqtaý salalaryn da investitsiialaidy. Jumysshy top Shandýn provintsiiasyndaǵy keshendi aralap tyń tehnologiiamen tanysty.
Qytailyq «VEGA Power» kompaniiasynyń bas direktory Ge Tszian joba kezeń-kezeńimen júzege asyrylyp, alǵashqy kezeńde 30 million AQSh dollary kóleminde investitsiia salynatynyn atap ótti. Sonymen qatar, búginde alǵashqy bes konteiner jóneltilgenin jáne joba tolyq júzege asqanda 10-nan astam ónim túri shyǵarylatynyn habarlady.
Oblys ákimi investorlarmen kezdesý barysynda naqty talaptardy da atady, olar: kompaniialar óńirde tirkelip, salyq túsimi jergilikti biýdjetke baǵyttalýy tiis; jergilikti kadrlar jumysqa ornalastyrylady; bolashaq mamandardy oqytý investorlardyń qarajaty esebinen júrgizilýi tiis.
Sonymen qatar, óńir Qytaimen meditsina salasy boiynsha bailanysty nyǵaitady. Osy maqsatta delegatsiia iKang Guobin Checkup Center emhanasyna baryp, Qytaidyń densaýlyq saqtaý júiesindegi zamanaýi ádistermen jáne meditsinalyq qyzmet kórsetýdiń innovatsiialyq úlgilerimen tanysty.
Aita ketý kerek, biyl alǵashqy jartyjyldyqtyń qorytyndysy boiynsha Batys Qazaqstan oblysy tikelei sheteldik investitsiialar kólemi boiynsha respýblikada 3-orynda tur.
Bul kezdesý Qazaqstan Respýblikasynyń Qytai Halyq Respýblikasyndaǵy Elshiliginiń qoldaýymen uiymdastyryldy.
