BQO Báiterek aýdany prokýratýrasy jer telimderin berý zańdylyǵyn tekserý kezinde bir azamatqa oblys ortalyǵyna jaqyn jerden (Oral qalasy) iri kólemde6 jalpy aýmaǵy 40,0 gektar (400 000 sharshy.m – 4 000 sottyq jer) jer telimi "baǵbandyq jáne saiajai qurylysyna" berilgeni anyqtalǵan.
Memleketten saiajai jer telimin satyp alý quny zańsyz tómendetilgen jáne 4 000 sottyq jer 765 myń teńgege satylǵan.
Negizinde jer telimderiniń naqty kadastyrlyq quny - 119,8 mln. teńge, saldarynan memleketke asa iri kólemdegi zalal keltirilgen.
Osynyń negizinde prokýrorlyq tekserý materialy SDTBT-ne tirkelip, aýdandyq jer qatynastar bóliminiń basshysyna qatysty qyzmettik ókilettigin teris paidalanyp, aýyr saldarǵa alyp kelý faktisimen sotqa deiingi tergeý bastaldy.
Qylmystyq istiń tergeýi Batys Qazaqstan oblysynyń arnaiy prokýrorlaryna tapsyryldy.
Sot úkimimen Báiterek aýdandyq jer qatynastar bóliminiń bastyǵy QK-tiń 361-babynyń 4-bóliginiń 3-tarmaǵymen kináli dep tanylyp, 3 jylǵa bas bostandyǵynan aiyrýǵa sottalyp, jazasy qylmystyq-atqarý júiesiniń ortasha qaýipsiz mekemesinde óteý belgilendi.
Úkim zańdy kúshine engen joq.
Sýret: Tengrinews.kz / Turar Qazanǵapov
