بقو بايتەرەك اۋدانى پروكۋراتۋراسى جەر تەلىمدەرىن بەرۋ زاڭدىلىعىن تەكسەرۋ كەزىندە ءبىر ازاماتقا وبلىس ورتالىعىنا جاقىن جەردەن (ورال قالاسى) ءىرى كولەمدە6 جالپى اۋماعى 40،0 گەكتار (400 000 شارشى.م – 4 000 سوتتىق جەر) جەر تەلىمى "باعباندىق جانە ساياجاي قۇرىلىسىنا" بەرىلگەنى انىقتالعان.
مەملەكەتتەن ساياجاي جەر تەلىمىن ساتىپ الۋ قۇنى زاڭسىز تومەندەتىلگەن جانە 4 000 سوتتىق جەر 765 مىڭ تەڭگەگە ساتىلعان.
نەگىزىندە جەر تەلىمدەرىنىڭ ناقتى كاداستىرلىق قۇنى - 119،8 ملن. تەڭگە، سالدارىنان مەملەكەتكە اسا ءىرى كولەمدەگى زالال كەلتىرىلگەن.
وسىنىڭ نەگىزىندە پروكۋرورلىق تەكسەرۋ ماتەريالى سدتبت-نە تىركەلىپ، اۋداندىق جەر قاتىناستار ءبولىمىنىڭ باسشىسىنا قاتىستى قىزمەتتىك وكىلەتتىگىن تەرىس پايدالانىپ، اۋىر سالدارعا الىپ كەلۋ فاكتىسىمەن سوتقا دەيىنگى تەرگەۋ باستالدى.
قىلمىستىق ءىستىڭ تەرگەۋى باتىس قازاقستان وبلىسىنىڭ ارنايى پروكۋرورلارىنا تاپسىرىلدى.
سوت ۇكىمىمەن بايتەرەك اۋداندىق جەر قاتىناستار ءبولىمىنىڭ باستىعى قك-تىڭ 361-بابىنىڭ 4-بولىگىنىڭ 3-تارماعىمەن كىنالى دەپ تانىلىپ، 3 جىلعا باس بوستاندىعىنان ايىرۋعا سوتتالىپ، جازاسى قىلمىستىق-اتقارۋ جۇيەسىنىڭ ورتاشا ءقاۋىپسىز مەكەمەسىندە وتەۋ بەلگىلەندى.
ۇكىم زاڭدى كۇشىنە ەنگەن جوق.
سۋرەت: Tengrinews.kz / تۇرار قازانعاپوۆ
