Batys Qazaqstan oblysynyń ákimi Nariman Tóreǵaliev Orynbor oblysyna jumys sapary aiasynda Orynbor oblysynyń kóktemgi sý tasqynyn ótkizý jónindegi vedomstvoaralyq komissiia tóraǵasynyń birinshi orynbasary Andrei Viazikovpen kezdesti, dep habarlaidy Dalanews.kz.
Jiynǵa Tótenshe jaǵdailar departamenti, Sý sharýashylyǵy basqarmasy jáne Rosgidromet ókilderi de qatysty.
Kezdesýdiń negizgi taqyryby sý tasqyny týraly boljamdar jáne sý tasqyny kezeńinde taraptardyń ózara árekettesýi boldy. Orynbor oblysynyń memlekettik organdarynyń ókilderi oblystaǵy gidrometeorologiialyq jaǵdai, kóktemgi sý tasqynyna daiyndyq sharalary jáne basqa da negizgi aspektiler týraly baiandamalar jasady.
«Batys Qazaqstan oblysy úshin eń mańyzdy tabiǵi nysan ári negizgi aýyzsý jáne sý qamtamasyz etý kózi – Jaiyq ózeni basseini. Onyń boiynda 87 eldi meken ornalasqan, onda oblys halqynyń 75%-yna deiin turady. Sonymen qatar, Jaiyq ózeninen Oral qalasynyń sharýashylyq-aýyz sý qajettilikteri úshin sý alynady», - dedi Nariman Tóreǵaliev.
Ol sondai-aq boljamdar men sý qoimasynyń kóktemgi sý tasqynyna daiyndyq deńgeiin eskere otyryp, sý qoimasynyń jumys rejimin qalyptasqan gidrologiialyq jaǵdaiǵa sáikes retteý qajettigin aitty. Bul Jaiyq ózeniniń tómengi aǵysyndaǵy sý deńgeiin kópjyldyq ortasha kórsetkishterde ustap turýǵa múmkindik beredi.
Qazaqstandyq tarap sý az bolǵan kezde sýdy aǵyzýdy byltyrǵy kórsetkishterden tómen bolmaý týraly usynys jasady.
Kezdesý nátijesinde taraptar sý tasqynyna qarsy is-qimyl máseleleri boiynsha tyǵyz yntymaqtastyq, sondai-aq sý tasqyny áreketiniń barlyq kezeńinde úzdiksiz aqparat almasý týraly kelisimge keldi.
