Búginde Batys Qazaqstan oblysynda sý tasqynynyń zardabyn joiý boiynsha qyzý jumystar júrip jatqany belgili. Osy rette BQO ákimi Nariman Tóreǵaliev oblys turǵyndaryna sý tasqyny kezinde sabyr saqtaýyn ótindi, – dep habarlaidy Dalanews.kz BQO ákiminiń baspasóz qyzmetine silteme jasap.
– Qurmetti Batys Qazaqstandyqtar!
Óńirimizde sý tasqynynyń saldarynan kúrdeli jaǵdai oryn alǵany belgili.
Oblysymyzdyń Syrym, Terekti, Qaratóbe, Bórli aýdandarynda sý tasqyny bolyp, turǵyn úilerdi sý basty. Osynyń saldarynan 4 myńǵa jýyq adam qaýipsiz jerge kóshirildi, onyń jartysy balalar.
Tasqynnan zardap shekkenderge jedel evakýatsiialyq pýnktter uiymdastyrylyp, qajetti jaǵdai jasalýda.
Qurmetti jerlester! Sondai-aq, Kórshiles Resei elinen bastaý alatyn 5 transshekaralyq ózenderimizde sý deńgeii kóterilýde.
Sonyń saldarynan Kaztalov jáne Jańaqala aýdandaryna baratyn Qara jáne Sary ózenderde sý deńgeii artýda. Qazirgi ýaqytta bul óńirlerde qaýipsizdik sharalary kúsheitildi.
Mamandardyń málimetinshe, sýdyń deńgeii oblysta osydan 30 jyl buryn bolǵan eń joǵary kórsetkishten asyp ketken.
Oral qalasyndaǵy Shaǵan jáne Derkól ózeni qaýipti deńgeige jetti. Sondai-aq, Jaiyq ózeninde de sý kólemi artýda. Sonyń saldarynan Oral qalasy men Báiterek, Terekti aýdandaryn sý basý qaýpi seiilgen joq.
Budan bólek, Oral qalasynyń mańyndaǵy Podstepnoe aýylynda
sý tasqyny bolyp, qazirgi ýaqytta sýdy sorý, sý ótetin jylǵalardy keńeitý, topyraqpen qorshaý jumystary júrgizilip jatyr.
Qurmetti jerlester!
Búgin Memleket basshysyna oblystaǵy jaǵdaidy baiandadym. Prezident óz tarapynan halyqqa barynsha kómek kórsetiletinin aitty. Zardap shekkenderdiń árqaisysy Memleket tarapynan beriletin kómekten qalys qalmaidy!
Qutqarýshylar, tótenshe jaǵdai mamandary, kommýnaldyq qyzmetter, kúshtik qurylymdar, volenterler jáne turǵyndarymyz
kún demei, tún demei sý tasqynymen kúresýde!
Men úshin jerlesterimniń amandyǵy birinshi orynda! Sondyqtan, tasqynnyń aldyn alýǵa baǵyttalǵan barlyq qajetti sharalar atqarylatyn bolady!
Osynaý qiyn kezeńde sabyrlyq saqtap, bir-birimizge qoldaý kórseteiik! Biz birgemiz!
