QR Básekelestikti qorǵaý jáne damytý agenttiginiń Shyǵys Qazaqstan oblysy boıynsha departamenti "Óskemen áýejaıy" AQ qatysty tergep-tekserýdi bastady, dep habarlaıdy Dalanews.kz.

2022-2024 jyldar kezeńinde jáne 2025 jylǵy qańtarda oblys aýmaǵynda avıaotyndy bólshek saýdada ótkizýdiń taýar naryǵyndaǵy básekelestiktiń jaı-kúıin jospardan tys taldaý nátıjeleri negiz boldy.

Taldaý qorytyndysy boıynsha "Óskemen áýejaıy" AQ-nyń is-áreketterinde QR Kásipkerlik kodeksiniń 174-babynyń 1-tarmaqshasynda kózdelgen monopolıaǵa qarsy zańnamany buzý belgileri anyqtaldy-monopolıalyq joǵary (tómen) baǵalardy belgileý jáne qoldaý bóliginde.

Buzýshylyqtardyń bar-joǵyn rastaıtyn nemese joqqa shyǵaratyn obektıvti derekterdi alý maqsatynda tergep-tekserý rásimi bastaldy.