Jobany Astana qalasynyń Balalar kórkemsýret mektebi – IýNESKO klýby jáne Qazaqstandaǵy «Shevron» kompaniiasy uiymdastyrǵan bolatyn.
Shevron kompaniiasynyń ókili Leila Aitmuhanova atalǵan kompaniianyń Qazaqstanǵa 25 jyl buryn, iaǵni 1993 jyly kelip, jas táýelsiz memleket retinde irgetasyn qalaýǵa kiriskende qoldaý kórsetip, senim bildirgen birinshi batystyq investor bolǵanyn aitady.
«Kóp jyldan beri Shevron kompaniiasy iri áleýmettik jobalardyń biri, jas urpaqty ekologiialyq qundylyqtardy baǵalaýdy óner arqyly úiretýge kúsh salyp keledi. Biz búgin tamashalap otyrǵan sýretterde balalardyń qorshaǵan ortanyń sulýlyǵyn, Qazaqstan halqynyń mádenietin beineleýge qushtarlyǵyn anyq kórip otyrmyz», – dep balalar salǵan sýretterge oń baǵa berdi kompaniia ókili Leila Aitmuhanova.
Elordasy Astananyń 20 jyldyǵy qarsańynda jáne «Rýhani jańǵyrý» ulttyq baǵdarlamasyn iske asyrý aiasynda ótkizilgen «Uly dala boiaýlary» baiqaýynda «Meniń qalamnyń tarihi oryndary», «Siz óz qalańyzdy 20 jyldan keiin qalai elestetesiz?», «Meniń halqymnyń rýhani muralary» taqyryptary qamtyldy.
Balalardy ekologiiaǵa jaqyn bolýǵa tárbieleý, ekologiiany qorǵaý mádenieti men ekologiialyq tanymdaryn keńeitý, beineleý ónerin nasihattaý, ósip kele jatqan urpaqtyń shyǵarmashylyq áleýetin kóterýdi maqsat etken baiqaýǵa elimizdiń túkpir-túkpirinen balalar men jasóspirimder kóptep qatysyp, qatysýshylar beineleý quraldarmen qorshaǵan álemdi, iaǵni týǵan eliniń tabiǵatynyń sulýlyǵyn, súiikti qalasyn, sáýlettik jetistikterin, Otanymyz Qazaqstannyń halqynyń birligi men yntymaǵy jarasqan elde turyp jatqanyn kórsetýge tyrysty.
Kórmege Qazaqstan óńirleriniń balalar kórkemsýret mektepteri men óner mektepterinen 12–16 jas aralyǵyndaǵy 200-den astam qatysýshylardyń jumysy jiberildi.
Jumystardy QR Sýretshiler odaǵy músheleri, óner qairatkerleri, QR eńbegi sińgen sýretshilerinen turatyn ádilqazy alqasy baǵalady. Baiqaý aiasynda beineleý jáne dekorativti–qoldanbaly óner, músin jáne qysh boiynsha sheberlik–klastar, elordanyń ásem de saltanatty oryndarymen tanysý jáne QR Ulttyq mýzeiine, «Máńgilik el» saltanatty arkasyna barýmen ekskýrsiialar jáne t.b. qyzyqty sharalar júzege asyryldy.
Sulýgúl Beken
