جوبانى استانا قالاسىنىڭ بالالار كوركەمسۋرەت مەكتەبى – يۋنەسكو كلۋبى جانە قازاقستانداعى «شيەۆرون» كومپانياسى ۇيىمداستىرعان بولاتىن.
شيەۆرون كومپانياسىنىڭ وكىلى لەيلا ايتمۇحانوۆا اتالعان كومپانيانىڭ قازاقستانعا 25 جىل بۇرىن، ياعني 1993 جىلى كەلىپ، جاس تاۋەلسىز مەملەكەت رەتىندە ىرگەتاسىن قالاۋعا كىرىسكەندە قولداۋ كورسەتىپ، سەنىم بىلدىرگەن ءبىرىنشى باتىستىق ينۆەستور بولعانىن ايتادى.
«كوپ جىلدان بەرى شيەۆرون كومپانياسى ءىرى الەۋمەتتىك جوبالاردىڭ ءبىرى، جاس ۇرپاقتى ەكولوگيالىق قۇندىلىقتاردى باعالاۋدى ونەر ارقىلى ۇيرەتۋگە كۇش سالىپ كەلەدى. ءبىز بۇگىن تاماشالاپ وتىرعان سۋرەتتەردە بالالاردىڭ قورشاعان ورتانىڭ سۇلۋلىعىن، قازاقستان حالقىنىڭ مادەنيەتىن بەينەلەۋگە قۇشتارلىعىن انىق كورىپ وتىرمىز»، – دەپ بالالار سالعان سۋرەتتەرگە وڭ باعا بەردى كومپانيا وكىلى لەيلا ايتمۇحانوۆا.
ەلورداسى استانانىڭ 20 جىلدىعى قارساڭىندا جانە «رۋحاني جاڭعىرۋ» ۇلتتىق باعدارلاماسىن ىسكە اسىرۋ اياسىندا وتكىزىلگەن «ۇلى دالا بوياۋلارى» بايقاۋىندا «مەنىڭ قالامنىڭ تاريحي ورىندارى»، «ءسىز ءوز قالاڭىزدى 20 جىلدان كەيىن قالاي ەلەستەتەسىز؟»، «مەنىڭ حالقىمنىڭ رۋحاني مۇرالارى» تاقىرىپتارى قامتىلدى.
بالالاردى ەكولوگياعا جاقىن بولۋعا تاربيەلەۋ، ەكولوگيانى قورعاۋ مادەنيەتى مەن ەكولوگيالىق تانىمدارىن كەڭەيتۋ، بەينەلەۋ ونەرىن ناسيحاتتاۋ، ءوسىپ كەلە جاتقان ۇرپاقتىڭ شىعارماشىلىق الەۋەتىن كوتەرۋدى ماقسات ەتكەن بايقاۋعا ەلىمىزدىڭ تۇكپىر-تۇكپىرىنەن بالالار مەن جاسوسپىرىمدەر كوپتەپ قاتىسىپ، قاتىسۋشىلار بەينەلەۋ قۇرالدارمەن قورشاعان الەمدى، ياعني تۋعان ەلىنىڭ تابيعاتىنىڭ سۇلۋلىعىن، سۇيىكتى قالاسىن، ساۋلەتتىك جەتىستىكتەرىن، وتانىمىز قازاقستاننىڭ حالقىنىڭ بىرلىگى مەن ىنتىماعى جاراسقان ەلدە تۇرىپ جاتقانىن كورسەتۋگە تىرىستى.
كورمەگە قازاقستان وڭىرلەرىنىڭ بالالار كوركەمسۋرەت مەكتەپتەرى مەن ونەر مەكتەپتەرىنەن 12–16 جاس ارالىعىنداعى 200-دەن استام قاتىسۋشىلاردىڭ جۇمىسى جىبەرىلدى.
جۇمىستاردى ق ر سۋرەتشىلەر وداعى مۇشەلەرى، ونەر قايراتكەرلەرى، ق ر ەڭبەگى سىڭگەن سۋرەتشىلەرىنەن تۇراتىن ءادىلقازى القاسى باعالادى. بايقاۋ اياسىندا بەينەلەۋ جانە دەكوراتيۆتى–قولدانبالى ونەر، ءمۇسىن جانە قىش بويىنشا شەبەرلىك–كلاستار، ەلوردانىڭ اسەم دە سالتاناتتى ورىندارىمەن تانىسۋ جانە ق ر ۇلتتىق مۋزەيىنە، «ماڭگىلىك ەل» سالتاناتتى اركاسىنا بارۋمەن ەكسكۋرسيالار جانە ت.ب. قىزىقتى شارالار جۇزەگە اسىرىلدى.
سۇلۋگۇل بەكەن
