Máselen, elorda turǵyndarynyń biri mas kúıinde Petrov kóshesindegi keńse úı-jaıynda bireýdiń kompúterin syndyryp ketken. Bul fakti boıynsha QR ÁQBtK-niń 147-1-baby boıynsha hattama jasaldy, sot quqyq buzýshyny 10 táýlikke ákimshilik qamaýǵa alý týraly úkim shyǵardy.
Sonymen qatar, taǵy bir er adam Shevchenko kóshesi, №10/4 úıdiń besinshi qabatynyń balkonynda turyp, dáret syndyrǵan. Osy úshin ol bes táýlikke qamaýǵa alyndy.
2023 jyldyń basynan beri elorda polısıasynyń qyzmetkerleri vandalızmniń 100-den astam faktisin anyqtady. Qala boıynsha kúndelikti eki myńnan astam polısıa qyzmetkeri patrúldeıdi.
Aıta keteıik, jyl basynan beri Astanada eriktiler, belsendiler, tanymal sportshylar, qala turǵyndary qoldaý bildirgen «Toqta, vandal» aksıasy iske asyp jatyr.
Aksıa aıasynda qala boıynsha kúndizgi jáne túngi reıdter ótkiziledi, halyq arasynda qoǵamdyq tártipti saqtaý qajettiligi týraly túsindirý jumysy júrgiziledi.
