ەلوردادا ءۆانداليزمنىڭ كەز كەلگەن جاعدايىمەن بەلسەندى كۇرەس ءجۇرىپ جاتىر. ءوز كەزەگىندە پوليسيا قىلمىسكەرلەردى تاۋىپ، ولاردى جاۋاپقا تارتادى. بىرەر كۇن بۇرىن تاعى ەكى ۆاندال جازالاندى.

ماسەلەن، ەلوردا تۇرعىندارىنىڭ ءبىرى ماس كۇيىندە پەتروۆ كوشەسىندەگى كەڭسە ءۇي-جايىندا بىرەۋدىڭ كومپيۋتەرىن سىندىرىپ كەتكەن. بۇل فاكتى بويىنشا ق ر اقبتك-نىڭ 147-1-بابى بويىنشا حاتتاما جاسالدى، سوت قۇقىق بۇزۋشىنى 10 تاۋلىككە اكىمشىلىك قاماۋعا الۋ تۋرالى ۇكىم شىعاردى.

سونىمەن قاتار، تاعى ءبىر ەر ادام شيەۆچەنكو كوشەسى، №10/4 ءۇيدىڭ بەسىنشى قاباتىنىڭ بالكونىندا تۇرىپ، دارەت سىندىرعان. وسى ءۇشىن ول بەس تاۋلىككە قاماۋعا الىندى.

2023 جىلدىڭ باسىنان بەرى ەلوردا پوليسياسىنىڭ قىزمەتكەرلەرى ءۆانداليزمنىڭ 100-دەن استام فاكتىسىن انىقتادى. قالا بويىنشا كۇندەلىكتى ەكى مىڭنان استام پوليسيا قىزمەتكەرى پاترۋلدەيدى.

ايتا كەتەيىك، جىل باسىنان بەرى استانادا ەرىكتىلەر، بەلسەندىلەر، تانىمال سپورتشىلار، قالا تۇرعىندارى قولداۋ بىلدىرگەن «توقتا، ۆاندال» اكسياسى ىسكە اسىپ جاتىر.

اكسيا اياسىندا قالا بويىنشا كۇندىزگى جانە تۇنگى رەيدتەر وتكىزىلەدى، حالىق اراسىندا قوعامدىق ءتارتىپتى ساقتاۋ قاجەتتىلىگى تۋرالى ءتۇسىندىرۋ جۇمىسى جۇرگىزىلەدى.