Bostandyqqa shyqqan Boranbaev shetel aralaiyn dedi me? Bul jaǵy belgisiz. Alaida Parijge shaqyrtý kelipti, - dep habarlaidy Dalanews.kz.
Klýbtyń baspasóz qyzmeti málimetine súiensek, sotty bolǵan quda Parijde ótetin ÝEFA Ulttar ligasynyń 2024/25 toptyq kezeńiniń jerebe tartý rásimine qatysady.
"ÝEFA Ádil oiyn jáne áleýmettik jaýapkershilik komitetiniń ekinshi vitse-tóraǵasy qyzmetin atqaratyn, sondai-aq, ÝEFA Balalarǵa arnalǵan qorynyń basqarma múshesi Boranbaev Qairat Sovetaiuly resmi shaqyrý alyp, ÝEFA-nyń 48-kongresi men Parijde ótetin ÝEFA Ulttar ligasynyń 2024/25 toptyq kezeńiniń jerebe tartý rásimine qatysady", - dep jazylǵan klýbtyń habarlamasynda.
Byltyr 6 qarashada Qairat Boranbaev bostandyqqa shyqty. Al buǵan deiin naýryzda ol 8 jylǵa sottaldy. Qyrkúiekte jaza merzimi 6 jylǵa deiin qysqardy. Sonymen qatar, bai quda Astananyń ortalyǵyndaǵy 4 juldyzdy qonaqúidi, basqa da biraz múlikti memleket menshigine tapsyrdy. Al aýmaǵy bes myń sharshy metrden asatyn qonaqúi kesheniniń jyldyq ainalymy shamamen 900 million teńgeden asady.
