Eks-prezident Nursultan Nazarbaevtyń aýqatty qudasy Qairat Boranbaev Esentai Tower-degi qymbat úiin daýlady. Bul týraly prokadrykz arnasy men Press Kz basylymy jazdy, - dep habarlaidy Dalanews.kz.
Arna málimetinshe, bai kásipker Qairat Boranbaevtyń sot oryndaýshysyna qarsy bergen talap-aryzynyń mazmuny belgili bolǵan.
"Ol óziniń úlesin, sondai-aq, tárkilengen jyljymaityn múliktegi jubaiynyń úlesin anyqtaýdy suraǵan.
Áńgime Almatydaǵy Ál-Farabi, 77/7,1 mekenjaiynda ornalasqan, quny 686 million teńge bolatyn kommertsiialyq úi-jai týraly bolyp otyr.
2GIS málimetteri boiynsha bul aýmaq Esentai Tower biznes ortalyǵynda ornalasqan", - dep jazylǵan arna málimetinde.
Press Kz málimetinshe, Boranbaev bul múlikti óziniń jáne jubaiy Sholpan Boranbaevanyń úlesi teń dep tanylýǵa tiis birlesken paida dep sanaidy eken. Alaida sot tárkilengen úi-jai qylmystyq aqshaǵa satyp alynǵanyn kórsetken. Demek, ony neke kezinde erli-zaiypty tapqan múlik retinde qarastyrýǵa bolmaidy.
Bostandyqqa shyqqan Boranbaev tek qymbat úiin daýlap jatqan joq, ol shetel aralaýdy da nazardan tys qaldyrmaǵan.
Buǵan deiin Qairat klýbynyń baspasóz qyzmeti onyń aldaǵy josparyn jariia etti.
Málimetke súiensek, sotty bolǵan "eks-quda" Parijde ótetin ÝEFA Ulttar ligasynyń 2024/25 toptyq kezeńiniń jerebe tartý rásimine qatysady.
"ÝEFA Ádil oiyn jáne áleýmettik jaýapkershilik komitetiniń ekinshi vitse-tóraǵasy qyzmetin atqaratyn, sondai-aq, ÝEFA Balalarǵa arnalǵan qorynyń basqarma múshesi Boranbaev Qairat Sovetaiuly resmi shaqyrý alyp, ÝEFA-nyń 48-kongresi men Parijde ótetin ÝEFA Ulttar ligasynyń 2024/25 toptyq kezeńiniń jerebe tartý rásimine qatysady", - dep jazylǵan edi klýbtyń habarlamasynda.
Aita keteiik, byltyr 6 qarashada Qairat Boranbaev bostandyqqa shyqty. Al oǵan deiin naýryzda ol 8 jylǵa sottaldy. Qyrkúiekte jaza merzimi 6 jylǵa deiin qysqardy.
Sonymen qatar, "bai quda" Astananyń ortalyǵyndaǵy 4 juldyzdy qonaqúidi, basqa da biraz múlikti memleket menshigine tapsyrdy. Al aýmaǵy bes myń sharshy metrden asatyn qonaqúi kesheniniń jyldyq ainalymy shamamen 900 million teńgeden asady eken.
