Memleket kásipker Qairat Boranbaevtyń kásipterine qalai baǵalaǵany túsiniksiz. Bul týraly Forbes Kazakhstan jýrnalynyń reitingter boiynsha redaktory Ardaq Býkeeva aitty, - dep habarlaidy Dalanews.kz.
«Bizde bul protsess jabyq ótedi ǵoi. Memleket Boranbaevtyń kásipterin qalai baǵalaǵany túsiniksiz. Ol bárin cash-pen (qolma-qol aqshamen) qaitarǵan joq qoi. Bárin kompaniia retinde qaitardy. Jaqynda qonaqúiin, fitnes klýbyn aldy.
Fitnes ortalyǵy memlekettik bolyp ketti. Barlyq protsess jabyq ótti. A-parking-tegi úlesin tartyp aldy. Boranbaev barda A-parking-ten aqsha túsip turǵan shyǵar. Qazir ol memleketke ótkendikten ol jerden aqsha túsip jatyr dep oilamaimyn. Sebebi fitnes klýbqa barǵan kezde parkingte kólik tolyp turady, biraq onyń 2-3-eýi ǵana tóleitin shyǵar. Sondyqtan ol jerden qanshalyq aqsha túsetinin bilmeimin», - deidi Ardaq Býkeeva.
Eske salaiyq, buǵan deiin biyl Forbes Kazakhstan tizimindegi bai kásipkerlerdiń sany artqanyn habarlaǵan edik.
Reitingke súiensek, biyl Viacheslav Kim alǵash ret Forbes Kazakhstan bai biznesmender reitinginiń kóshbasshysy atanyp otyr. Bir jyl ishinde onyń bailyǵy 2,2 millard dollarǵa ósken. Viacheslav Kim - Kaspi.kz aktsioneri jáne direktorlar keńesiniń tóraǵasy, ol 2024 jylǵy 1 sáýirdegi jaǵdai boiynsha kompaniianyń 21,4 paiyzyn baqylaidy. Sondai-aq, "ALSEKO" AQ-nyń 90 paiyzyna ie.
Nazarbaevtar áýletiniń ókilderi de reitingte. Bir jyl ishinde eks-prezidenttiń kúieý balasy Timýr Qulybaevtyń bailyǵy 700 million dollarǵa artty. Osylaisha Forbes milliarderleriniń jahandyq reitinginde ol 612-oryndy ielendi. Kásipkerdiń bailyǵy onyń Halyk bankindegi úlesi ulǵaiýyna bailanysty ósti. Qulybaevtar "Qazaqstan Halyq Banki" AQ-ty "Almeks" holding toby arqyly basqarady. Al tuńǵysh prezidenttiń qyzy Dinara Qulybaeva da jubaiy siiaqty Forbes milliarderleriniń jahandyq tiziminde 612-orynǵa ie boldy, bir jyl ishinde onyń bailyǵy da 700 million dollarǵa ósti.
Tizimde Vladimir Kim de bar. Bir jyl ishinde onyń bailyǵy 1 milliard dollarǵa tómendedi, sonyń áserinen Forbes milliarderleriniń jahandyq reitinginde 896-orynda tur. Al Timýr Týrlov Forbes milliarderler tiziminde 991-orynda tur.
Eks-prezidenttiń tuńǵyshy Dariǵa Nazarbaeva da tizimde. Ol "Eýropa pliýs Qazaqstan" JShS jáne "Táýelsiz televiziialyq arna" JShS (NTK telearnasy) ielik etedi. Reitingte onyń uly Nuráli Áliev te bar. Ol "Transtelekom", "Capital Holding", "Darmen Holding" sekildi nysandarda aktsioner.
Tizimde jańa esimder de bar: sonyń biri - Aijan Esim. Ol 207 million dollar bailyqpen 44-orynda tur. Ol Eski Qazaqstannyń ókilderiniń biri Ahmetjan Esimovtiń qyzy ekeni jazylyp jatyr.
Onyń bailyǵynyń negizgi úlesin 2021 jyly Kazphosphate Limited ulybritaniialyq kompaniiasy arqyly Ǵalymjan Esenovpen birge aktsioner bolǵan "Qazfosfat" JShS satýdan túsken úlesi quraidy.
Sondai-aq, ol "Sport Center" JShS (fitnes-klýby) jáne Petropavl nan-toqash kombinatynda úleske ie.
