مەملەكەت كاسىپكەر قايرات بورانبايەۆتىڭ كاسىپتەرىنە قالاي باعالاعانى تۇسىنىكسىز. بۇل تۋرالى Forbes Kazakhstan جۋرنالىنىڭ رەيتينگتەر بويىنشا رەداكتورى ارداق بۋكەيەۆا ايتتى، - دەپ حابارلايدى Dalanews.kz.
«بىزدە بۇل پروسەسس جابىق وتەدى عوي. مەملەكەت بورانبايەۆتىڭ كاسىپتەرىن قالاي باعالاعانى تۇسىنىكسىز. ول ءبارىن cash-پەن (قولما-قول اقشامەن) قايتارعان جوق قوي. ءبارىن كومپانيا رەتىندە قايتاردى. جاقىندا ءقوناقۇيىن، فيتنەس كلۋبىن الدى.
فيتنەس ورتالىعى مەملەكەتتىك بولىپ كەتتى. بارلىق پروسەسس جابىق ءوتتى. A-parking-تەگى ۇلەسىن تارتىپ الدى. بورانبايەۆ باردا A-parking-تەن اقشا ءتۇسىپ تۇرعان شىعار. ءقازىر ول مەملەكەتكە وتكەندىكتەن ول جەردەن اقشا ءتۇسىپ جاتىر دەپ ويلامايمىن. سەبەبى فيتنەس كلۋبقا بارعان كەزدە پاركينگتە كولىك تولىپ تۇرادى، ءبىراق ونىڭ 2-3-ەۋى عانا تولەيتىن شىعار. سوندىقتان ول جەردەن قانشالىق اقشا تۇسەتىنىن بىلمەيمىن»، - دەيدى ارداق بۋكەيەۆا.
ەسكە سالايىق، بۇعان دەيىن بيىل Forbes Kazakhstan تىزىمىندەگى باي كاسىپكەرلەردىڭ سانى ارتقانىن حابارلاعان ەدىك.
رەيتينگكە سۇيەنسەك، بيىل ۆياچەسلاۆ كيم العاش رەت Forbes Kazakhstan باي بيزنەسمەندەر رەيتينگىنىڭ كوشباسشىسى اتانىپ وتىر. ءبىر جىل ىشىندە ونىڭ بايلىعى 2،2 ميللارد دوللارعا وسكەن. ۆياچەسلاۆ كيم - Kaspi.kz اكسيونەرى جانە ديرەكتورلار كەڭەسىنىڭ ءتوراعاسى، ول 2024 جىلعى 1 ساۋىردەگى جاعداي بويىنشا كومپانيانىڭ 21،4 پايىزىن باقىلايدى. سونداي-اق، "السەكو" اق-نىڭ 90 پايىزىنا يە.
نازاربايەۆتار اۋلەتىنىڭ وكىلدەرى دە رەيتينگتە. ءبىر جىل ىشىندە ەكس-پرەزيدەنتتىڭ كۇيەۋ بالاسى تيمۋر قۇلىبايەۆتىڭ بايلىعى 700 ميلليون دوللارعا ارتتى. وسىلايشا Forbes ميللياردەرلەرىنىڭ جاھاندىق رەيتينگىندە ول 612-ورىندى يەلەندى. كاسىپكەردىڭ بايلىعى ونىڭ Halyk بانكىندەگى ۇلەسى ۇلعايۋىنا بايلانىستى ءوستى. قۇلىبايەۆتار "قازاقستان حالىق بانكى" اق-تى "المەكس" حولدينگ توبى ارقىلى باسقارادى. ال تۇڭعىش پرەزيدەنتتىڭ قىزى دينارا قۇلىبايەۆا دا جۇبايى سياقتى Forbes ميللياردەرلەرىنىڭ جاھاندىق تىزىمىندە 612-ورىنعا يە بولدى، ءبىر جىل ىشىندە ونىڭ بايلىعى دا 700 ميلليون دوللارعا ءوستى.
تىزىمدە ۆلاديمير كيم دە بار. ءبىر جىل ىشىندە ونىڭ بايلىعى 1 ميلليارد دوللارعا تومەندەدى، سونىڭ اسەرىنەن Forbes ميللياردەرلەرىنىڭ جاھاندىق رەيتينگىندە 896-ورىندا تۇر. ال تيمۋر تۋرلوۆ Forbes ميللياردەرلەر تىزىمىندە 991-ورىندا تۇر.
ەكس-پرەزيدەنتتىڭ تۇڭعىشى داريعا نازاربايەۆا دا تىزىمدە. ول "ەۋروپا پليۋس قازاقستان" ج ش س جانە "تاۋەلسىز تەليەۆيزيالىق ارنا" ج ش س (نتك تەلەارناسى) يەلىك ەتەدى. رەيتينگتە ونىڭ ۇلى ءنۇرالى الييەۆ تە بار. ول "ترانستەلەكوم"، "Capital Holding"، "Darmen Holding" سەكىلدى نىسانداردا اكسيونەر.
تىزىمدە جاڭا ەسىمدەر دە بار: سونىڭ ءبىرى - ايجان ەسىم. ول 207 ميلليون دوللار بايلىقپەن 44-ورىندا تۇر. ول ەسكى قازاقستاننىڭ وكىلدەرىنىڭ ءبىرى احمەتجان ەسىموۆتىڭ قىزى ەكەنى جازىلىپ جاتىر.
ونىڭ بايلىعىنىڭ نەگىزگى ۇلەسىن 2021 جىلى Kazphosphate Limited ۇلىبريتانيالىق كومپانياسى ارقىلى عالىمجان ەسەنوۆپەن بىرگە اكسيونەر بولعان "قازفوسفات" ج ش س ساتۋدان تۇسكەن ۇلەسى قۇرايدى.
سونداي-اق، ول "Sport Center" ج ش س (فيتنەس-كلۋبى) جانە پەتروپاۆل نان-توقاش كومبيناتىندا ۇلەسكە يە.
