Almaty prokýratýrasy NEF Qazaqstan basshysy Taryk Volkan Oskaidyń Chernogoriiada ustaǵanyn resmi túrde rastady, dep habarlaidy Dalanews.kz.
"Izdeýde júrgen Oskay Tarik Volkan Qazaqstan Respýblikasynyń aýmaǵynda emes, óitkeni ol 9 maýsym kúni Chernogoriia Respýblikasynyń quzyrly organdary tarapynan ustaldy", - dedi Almaty qalasy prokýrorynyń birinshi orynbasary Raqyshev.
Qazirgi ýaqytta qazaqstandyq tarap Oskaidy ekstraditsiialaý týraly ótinishti Chernogoriianyń quzyrly organdaryna joldaǵany naqtylandy.
Aita keteiik, buǵan deiin NEF Qazaqstan kompaniiasynyń quryltaishysy ári basshysy Taryk Volkan Oskaiǵa izdeý jariialanǵan bolatyn. Aqparat Quqyqtyq statistika organdarynyń portalynda paida boldy. Bul is 18 sáýirde Almatyda tirkelgen.
Jańa derek: oǵan nege izdeý jariialandy?
Almaty PD málimetinshe, Bostandyq aýdandyq politsiia basqarmasy alaiaqtyq deregi boiynsha qylmystyq isti tergep jatyr.
"Azamat O. qylmystyq is boiynsha syrttai kúdikti retinde tanyldy. Oǵan sot "qamaýda ustaý" sharasyn syrttai sanktsiialady. Qazir kúdiktiniń ornalasqan jerin anyqtaýǵa jáne ony ustaýǵa baǵyttalǵan jedel izdestirý is-sharalary júrgizilip jatyr", - dep jazylǵan habarlamada.
Kásipkerdiń Boranbaevqa ne qatysy bar?
Túrkiianyń týmasy Taryk Volkan Oskai Qairat Boranbaevpen birge zańsyz satyp alynǵan aktivterdi qaitarý sheńberinde memleketke berilgenge deiin Comfort Hotel Astana qonaqúi keshenin baqylaǵan "Roial Komfort Astana" kompaniiasyna ielik etken.
Oǵan qosa quryltaishysy Boranbaev sanalatyn "Almaly" (Almaly Assets Management) aktivterdi basqarý kompaniiasynda jumys istegen.
Qairat Boranbaev pen Taryk Volkan Oskai birlesip ielengen Comfort Hotel Astana qonaqúi kesheni byltyr jańa iesin tapqan edi.
