الماتى پروكۋراتۋراسى NEF Qazaqstan باسشىسى تارىك ۆولكان وسكايدىڭ چەرنوگوريادا ۇستاعانىن رەسمي تۇردە راستادى، دەپ حابارلايدى Dalanews.kz.
"ىزدەۋدە جۇرگەن Oskay Tarik Volkan قازاقستان رەسپۋبليكاسىنىڭ اۋماعىندا ەمەس، ويتكەنى ول 9 ماۋسىم كۇنى چەرنوگوريا رەسپۋبليكاسىنىڭ قۇزىرلى ورگاندارى تاراپىنان ۇستالدى"، - دەدى الماتى قالاسى پروكۋرورىنىڭ ءبىرىنشى ورىنباسارى راقىشيەۆ.
قازىرگى ۋاقىتتا قازاقستاندىق تاراپ وسكايدى ەكستراديسيالاۋ تۋرالى ءوتىنىشتى چەرنوگوريانىڭ قۇزىرلى ورگاندارىنا جولداعانى ناقتىلاندى.
ايتا كەتەيىك، بۇعان دەيىن NEF Qazaqstan كومپانياسىنىڭ قۇرىلتايشىسى ءارى باسشىسى تارىك ۆولكان وسكايعا ىزدەۋ جاريالانعان بولاتىن. اقپارات قۇقىقتىق ستاتيستيكا ورگاندارىنىڭ پورتالىندا پايدا بولدى. بۇل ءىس 18 ساۋىردە الماتىدا تىركەلگەن.
جاڭا دەرەك: وعان نەگە ىزدەۋ جاريالاندى؟
الماتى پد مالىمەتىنشە، بوستاندىق اۋداندىق پوليسيا باسقارماسى الاياقتىق دەرەگى بويىنشا قىلمىستىق ءىستى تەرگەپ جاتىر.
"ازامات و. قىلمىستىق ءىس بويىنشا سىرتتاي كۇدىكتى رەتىندە تانىلدى. وعان سوت "قاماۋدا ۇستاۋ" شاراسىن سىرتتاي سانكسيالادى. ءقازىر كۇدىكتىنىڭ ورنالاسقان جەرىن انىقتاۋعا جانە ونى ۇستاۋعا باعىتتالعان جەدەل ىزدەستىرۋ ءىس-شارالارى جۇرگىزىلىپ جاتىر"، - دەپ جازىلعان حابارلامادا.
كاسىپكەردىڭ بورانبايەۆقا نە قاتىسى بار؟
تۇركيانىڭ تۋماسى تارىك ۆولكان وسكاي قايرات بورانبايەۆپەن بىرگە زاڭسىز ساتىپ الىنعان اكتيۆتەردى قايتارۋ شەڭبەرىندە مەملەكەتكە بەرىلگەنگە دەيىن Comfort Hotel Astana ءقوناقۇي كەشەنىن باقىلاعان "رويال كومفورت استانا" كومپانياسىنا يەلىك ەتكەن.
وعان قوسا قۇرىلتايشىسى بورانبايەۆ سانالاتىن "المالى" (Almaly Assets Management) اكتيۆتەردى باسقارۋ كومپانياسىندا جۇمىس ىستەگەن.
قايرات بورانبايەۆ پەن تارىك ۆولكان وسكاي بىرلەسىپ يەلەنگەن Comfort Hotel Astana ءقوناقۇي كەشەنى بىلتىر جاڭا يەسىن تاپقان ەدى.
