Boranbaevtan memleketke qaıtarylǵan “Almaly” saýda ortalyǵynyń ornyna balalarǵa arnalǵan ǵylym mýzeıi salynady, dep habarlaıdy Dalanews.kz.

Almaty qalasynyń ákimi Erbolat Dosaevtyń málimdeýinshe, mýzeı qurylysy 2025 jyly bastalady. Bul jobaǵa qala búdjetinen 12,2 mlrd teńge bóliný josparlanyp otyr.

Aıta keteıik, ótken jyly Qaırat Boranbaevtyń quny 33,75 mlrd teńgeni quraıtyn dúnıe-múlki memleket menshigine ótkeni týraly jazǵan edik. Atap aıtqanda, “Almaly” saýda ortalyǵynyń ǵımaraty, Unity Hall JSHS, “Almaty Taýers” bıznes ortalyǵy men Fitnation fıtnes klýbtar jelisi.

QMA-nyń habarlaýynsha, memleket menshigine jalpy quny 33,75 mlrd teńge bolatyn keńse, saýda jáne oıyn-saýyq kesheni, sondaı-aq saýyqtyrý jáne fıtnes jelisi ótken.

“Atap aıtqanda, ońtústik megapolıstiń ortalyǵynda ornalasqan “Almaly” saýda ortalyǵynyń ǵımaraty, sondaı-aq jalǵa berý jáne múlikti basqarýmen aınalysatyn “Unity Hall” JSHS. “Almaty Taýers” bıznes ortalyǵynda ornalasqan nysannyń aýdany 11 myń sharshy metrden asady. Sondaı-aq, “Fitnation” fıtnes klýbtar jelisi memleket menshigine ótti. Nysandar Astana, Almaty jáne Qostanaı qalalarynda ornalasqan", -delingen habarlamada.

Qoldanystaǵy zańnamaǵa sáıkes, bul nysandar saýyqtyrý jáne bilim berý ortalyqtaryn uıymdastyra otyryp, áleýmettik maqsattarǵa paıdalanylady.