بورانبايەۆتان مەملەكەتكە قايتارىلعان “المالى” ساۋدا ورتالىعىنىڭ ورنىنا بالالارعا ارنالعان عىلىم مۋزەيى سالىنادى، دەپ حابارلايدى Dalanews.kz.
الماتى قالاسىنىڭ اكىمى ەربولات دوسايەۆتىڭ مالىمدەۋىنشە، مۋزەي قۇرىلىسى 2025 جىلى باستالادى. بۇل جوباعا قالا بيۋدجەتىنەن 12،2 ملرد تەڭگە ءبولىنۋ جوسپارلانىپ وتىر.
ايتا كەتەيىك، وتكەن جىلى قايرات بورانبايەۆتىڭ قۇنى 33،75 ملرد تەڭگەنى قۇرايتىن دۇنيە-مۇلكى مەملەكەت مەنشىگىنە وتكەنى تۋرالى جازعان ەدىك. اتاپ ايتقاندا، “المالى” ساۋدا ورتالىعىنىڭ عيماراتى، Unity Hall ج ش س، “الماتى تاۋەرس” بيزنەس ورتالىعى مەن Fitnation فيتنەس كلۋبتار جەلىسى.
قما-نىڭ حابارلاۋىنشا، مەملەكەت مەنشىگىنە جالپى قۇنى 33،75 ملرد تەڭگە بولاتىن كەڭسە، ساۋدا جانە ويىن-ساۋىق كەشەنى، سونداي-اق ساۋىقتىرۋ جانە فيتنەس جەلىسى وتكەن.
“اتاپ ايتقاندا، وڭتۇستىك مەگاپوليستىڭ ورتالىعىندا ورنالاسقان “المالى” ساۋدا ورتالىعىنىڭ عيماراتى، سونداي-اق جالعا بەرۋ جانە مۇلىكتى باسقارۋمەن اينالىساتىن “Unity Hall” ج ش س. “الماتى تاۋەرس” بيزنەس ورتالىعىندا ورنالاسقان نىساننىڭ اۋدانى 11 مىڭ شارشى مەتردەن اسادى. سونداي-اق، “Fitnation” فيتنەس كلۋبتار جەلىسى مەملەكەت مەنشىگىنە ءوتتى. نىساندار استانا، الماتى جانە قوستاناي قالالارىندا ورنالاسقان"، -دەلىنگەن حابارلامادا.
قولدانىستاعى زاڭناماعا سايكەس، بۇل نىساندار ساۋىقتىرۋ جانە ءبىلىم بەرۋ ورتالىقتارىن ۇيىمداستىرا وتىرىپ، الەۋمەتتىك ماقساتتارعا پايدالانىلادى.
