"Samuryq-Qazyna" memlekettik qory buryn Qairat Boranbaevqa tiesili "AziiaGaz Shonjy" JShS gaz taratý kompaniiasynyń iegeri atandy. Bul týraly aqparat KASE-de paida boldy, dep habarlaidy Dalanews.kz.
Sonymen bul mámile 2024 jyldyń 30 qyrkúieginde jasalǵany belgili boldy.Biraq aqparattyń ózi 30 qazanda jariialanyp otyr.
2024 jyldyń tamyzynda "AziiaGaz Shonjynyń" menshiktik quqyǵy "Samuryq-Qazyna" UÁQ-ǵa ótken soń QazaqGaz jariia aktsiialarynyń sanyn 1 myńǵa ulǵaitý jáne 9,2 mlrd teńge somasyndaǵyn qor birjasyna ornalastyrý josparlanǵany habarlanǵan. Sol kezde "Samuryq-Qazyna" UÁQ Boranbaevqa tiesili bolǵan gaz taratý kompaniiasyn ary qarai QazaqGaz quramyna alatyny aitylǵan bolatyn.
2024 jyldyń qyrkúieginde "Samuryq-Qazyna" direktorlar keńesi bireýiniń quny 92 mln 941 myń 670 teńge bolatyn 100 jai aktsiiany ornalastyrý týraly sheshim qabyldady. Olardy "AziiaGaz Shonjynyń" somasy 9,2 mlrd teńge bolatyn jarǵylyq kapitalyna 100% qatysý úlesi turǵysynda "tólem shotyna" aýdaryp berý josparlanǵan edi.
"AziiaGaz Shonjy" kompaniiasy 2014 jyly qurylǵan, taýarlyq gazdy tasymaldaýmen jáne satýmen ainalysady. Buǵan deiin Qarjy monitoringi agenttigi onyń qunyn 14 mlrd teńgege baǵalaǵan.
2023 jyly Qairat Boranbaev asa iri mólsherde memleket qarajatyn urlady jáne qylmystyq kiristerdi zańdastyrdy degen kúdikpen ustaldy. Tergeý derekteri boiynsha, 2019 jyly ol óz ieligindegi "AziiaGaz Shonjy" JShS arqyly gaz jetkizý kezinde QazaqGaz ulttyq kompaniiasynyń qarajatyn jymqyrdy, keiinnen urlanǵan 14,5 mlrd teńge mólsherindegi qarajat zańdy kásipkerlik qyzmetten alynǵan qusap dividendterdi bólý jáne tóleý túrinde zańdastyrylǵan. "Tergeý barysynda keltirilgen zalal tolyq kólemde óteldi...", delingen QMA habarlamasynda. Agenttik zańsyz kirister esebinen satyp alynǵan sheteldik aktivterdi belgileý jáne buǵattaý jumystaryn júrgizip jatqany da aityldy.
Sot Qairat Boranbaevty alty jylǵa sottady. 2023 jyldyń qarashasynda kásipkerdiń bostandyqqa shyqqany belgili boldy: jazanyń ótelmegen bóligi bas bostandyǵyn shekteý túrine aýystyryldy.
Aita ketsek, Qairat Boranbaev munai ken ornyn, gaz taratý kompaniiasyn, servis salasyndaǵy kásiporyndy, qonaqúilerdi jáne saýda-oiyn-saýyq keshenderi, fitnes-ortalyqtar jelisi, keńse bólmeleri jáne basqa da aktivterin óz erkimen memleketke qaitardy. Atap aitqanda, bul "AziiaGaz Shonjy" JShS, Comfort Hotel Astana, FitNation fitnes-klýbtar jelisi, "QazTýrboRemont" zaýyty, "Almaly"saýda-oiyn-saýyq kesheni. Sonymen qatar, ol Bilim berý infraqurylymyn qoldaý qoryna 30 mlrd teńge aýdardy. Al memleketke ótken aktivter QR Qarjy ministrliginiń Memlekettik múlikter jáne jekeshelendirý komiteti qorynda saqtalady.
