"Buryn Qaraǵandy farmatsevtikalyq klasterine berilgen" Fitohimiia" ǵylymi - óndiristik kesheni memlekettik menshikke qaitarylady", - dedi ministr.
Onyń aitýynsha, institýttyń mańyzy áleýeti zor.
"Ishki aýdit qyzmetin tekserý mámileniń memleket úshin tiimsiz ekenin kórsetti, múliktik keshenniń qunyn baǵalaý, bólip tóleýdi usyný boiynsha máseleler týyndady. Sondyqtan memleket menshigine qaitarýǵa bastamashylyq jasaldy. Tiisti qujatqa qol qoiyldy, qajetti rásimder júrgizilýde. Qaraǵandydaǵy saiabaq jer teliminiń bir bóligin qalalyq ortalyq saiabaqtyń bir bóligi retinde memleket menshigine qaitarý máselesi qarastyrylýda", - dedi Aimaǵambetov.
Aita keteiik, Qaraǵandy farmklasteriniń quramyna Qairat Boranbaevtyń baqylaýyndaǵy Qaraǵandy farmatsevtikalyq zaýyty kiredi.
15 naýryzda Qarjy monitoringi agenttiginiń qyzmetkerleri Boranbaevty ustady.16 naýryzda ol Nur-sultanǵa jetkizilgen bolatyn. Al, 14 sáýirde sottyń "AlanParking" JShS direktory Muhtar Bazarbaevty qamaýǵa alýǵa sanktsiia bergeni belgili boldy.
AlanParking - Boranbaevtyń ieligindegi "RR2" JShS baqylaýyndaǵy aqyly turaq operatory. 18 sáýirde Qairat Boranbaevqa qatysy bar "Almaty spetstehparking servis" JShS direktory Marat Prinbekov qamaýǵa alyndy. 25 sáýirde Boranbaev firmalarynyń baqylaýynda bolǵan Almatynyń birneshe aqyly avtoturaqtary memleketke qaitarylyp berilgen bolatyn.
Qairat Boranbaev – «Qairat» fýtbol klýbynyń iesi, Qazaqstan Respýblikasy paralimpiada komitetiniń prezidenti, Ulttyq Olimpiadalyq komitettiń (UOK) paralimpiadalyq sportty damytý jónindegi vitse-prezidenti, ÝEFA adal oiyn jáne áleýmettik jaýapkershilik komitetiniń múshesi.
Sonymen qatar ol «Fitnation» fitnes klýbynyń, «Rahat Palas», «Comfort Hotel Astana» qonaq úileriniń iesi, «Esentai Mall», «Esentai Tower» biznes ortalyǵyn, «Almaly» saýda ortalyǵyn, Latviiadaǵy «Jurmala Golf Club & Hotel» qonaqúiin seriktesimen bólisip basqarady. «McDonalds» tamaqtaný ornynyń Qazaqstandaǵy jáne Reseidegi franchaizing iesi.
