Aleppo qalasyn áýeden bombalaýdan aman qalǵan balanyń sýreti baspasóz ben áleýmettik jelilerge tez tarap ketti. Ol Siriiadaǵy soǵystyń beinesine ainaldy.
Osy sýretti túsirgen jýrnalist áýe soqqysynan segiz adam ólgenin, olardyń beseýi - bala ekenin habarlady. Siriialyq adam quqyǵynyń saqtalýyn baqylaýshy ortalyqtyń málimdeýinshe, soqqyny prezident Bashar Asad áskeriniń ushaqtary jasaǵan.
Tamyzdyń basynda Birikken Ulttar Uiymy siriialyq Aleppo qalasy gýmanitarlyq apatqa jaqyn qalǵanyn eskertken edi. Áýe soqqylary tolastamai turǵan qalada sý jáne elektr jelileri tolyǵymen isten shyqty. Aptap ystyqta sýsyz qalǵan Aleppoda ásirese balalardyń densaýlyǵyna úlken qaýip tónip tur, dep málimdedi BUU Balalar qory (IýNISEF).
Siriiadaǵy azaptaýlar esebin tirkeý ortalyǵynyń habarlaýynsha, azamattyq soǵys elde 14 myńnan astam kámelet jasqa tolmaǵan adamnyń ómirin qidy. Siriialyq janjal bastalǵaly beri elde 280 myńnan astam adam óldi.
