Reperdiń áreketin sóz qylǵan Bolmanov qoǵam Ahmadievtiń túpki oiyn túsinbegen shyǵar degen pikirde. Sonymen qatar, ol repermen tanys ekenin de aitqan. Prodiýser qazir kóptegen adamdar haip úshin neshe túrli áreketterge baratynyn atap ótti. Ol óz oiyn jetkizý úshin mindetti túrde qamshy almai-aq sózin ótkizýge bolady deidi.
– Qazir kóptegen adamdar tez kórinip, tanymal bolǵysy keledi. Bul áreketterdi jaqsy dep aita almaimyn. Men bireýdi túzeý úshin eshqashan qolyma qamshy almas edim. Maǵan gollivýdqa baryp gran-pri sekildi marapattarǵa ie ekenimdi dáleldeý ońaiyraq. Osyndai jetistikterge qol jetkizip, ózińniń kim ekenińdi qamshysyz-aq kórsetýge bolady, – dedi Bolmanov.
Ózin kórsetý úshin neshe túrli áreket jasaityndardy synǵa alǵan Bolmanov qoǵamda budan basqa kóp máseleler bar deidi.
– Bizde kóp máselele bar. Qazir balalardyń ózine qol jumsaýy kóbeiip ketti. Sondai-aq ideolagoiada da birshama qiyndyqtar týyp tur. Bizde Qazaqstannyń ózi óndiretin taýarlary óte az. Táýelsizdik alǵanymyzǵa 25 jyldan asa ýaqyt ótse de betke ustar brendimiz joq, – deidi Qydyráli Bolmanov.
https://dalanews.kz/22985
