رەپەردىڭ ارەكەتىن ءسوز قىلعان بولمانوۆ قوعام احمادييەۆتىڭ تۇپكى ويىن تۇسىنبەگەن شىعار دەگەن پىكىردە. سونىمەن قاتار، ول رەپەرمەن تانىس ەكەنىن دە ايتقان. پروديۋسەر ءقازىر كوپتەگەن ادامدار حايپ ءۇشىن نەشە ءتۇرلى ارەكەتتەرگە باراتىنىن اتاپ ءوتتى. ول ءوز ويىن جەتكىزۋ ءۇشىن مىندەتتى تۇردە قامشى الماي-اق ءسوزىن وتكىزۋگە بولادى دەيدى.
– ءقازىر كوپتەگەن ادامدار تەز كورىنىپ، تانىمال بولعىسى كەلەدى. بۇل ارەكەتتەردى جاقسى دەپ ايتا المايمىن. مەن بىرەۋدى تۇزەۋ ءۇشىن ەشقاشان قولىما قامشى الماس ەدىم. ماعان گولليۆۋدقا بارىپ گران-پري سەكىلدى ماراپاتتارعا يە ەكەنىمدى دالەلدەۋ وڭايىراق. وسىنداي جەتىستىكتەرگە قول جەتكىزىپ، ءوزىڭنىڭ كىم ەكەنىڭدى قامشىسىز-اق كورسەتۋگە بولادى، – دەدى بولمانوۆ.
ءوزىن كورسەتۋ ءۇشىن نەشە ءتۇرلى ارەكەت جاسايتىنداردى سىنعا العان بولمانوۆ قوعامدا بۇدان باسقا كوپ ماسەلەلەر بار دەيدى.
– بىزدە كوپ ماسەلەلە بار. ءقازىر بالالاردىڭ وزىنە قول جۇمساۋى كوبەيىپ كەتتى. سونداي-اق يدەولاگويادا دا ءبىرشاما قيىندىقتار تۋىپ تۇر. بىزدە قازاقستاننىڭ ءوزى وندىرەتىن تاۋارلارى وتە از. تاۋەلسىزدىك العانىمىزعا 25 جىلدان اسا ۋاقىت وتسە دە بەتكە ۇستار برەندىمىز جوق، – دەيدى ءقىدىرالى بولمانوۆ.
https://dalanews.kz/22985
