Qazaqstannyń eks-prezidenti Nursultan Nazarbaevtyń marqum inisi Bolat Nazarbaevtyń qylmys álemindegi qolshoqpary bolǵan Eldos Qospaevtyń uiymdasqan qylmystyq tobyna qatysty sot otyrysy bastaldy, dep habarlaidy Dalanews.kz.
Bul týraly Almas Ábdiǵapparovtyń qorǵaýshysy Sáýle Qobjanova facebook áleýmettik jelisinde málim etti.
"Búgin Eldos Qospaev basqarǵan uiymdasqan qylmystyq toptyń ústinen, onyń ishinde Eldostyń aǵasy Aidos Qospaev, Erlan Imashev, Rýslan Shalin, Oksana Kýdriashova, Dastan Ábijanov, Timýr Tanashev jáne Qospaevqa jaqyn basqa qylmys áleminiń ókilderine qatysty qylmystyq is qozǵaldy. Olardyń kópshiligi Ulttyq qaýipsizdik komitetiniń Soltústik Kiprmen birlesken operatsiiasy kezinde jetkizilgen bolatyn.
Biz bul istiń alǵa jyljýy úshin 3 jyl boiy jumys istedik. Aryz berilip, qylmystyq is qozǵalǵan sátten bastap Astanaǵa Bas prokýratýraǵa barýdan sharshamadyq. Sebebi qylmystyq is qozǵaýǵa bar kúshimizdi saldyq, aqyry dálelderimiz tyńdalyp, qoldaý tapty. 3 jyl boiy kúizelispen aýyz toltyryp aitatyndai jumys atqaryldy. Ádildikke degen myzǵymas senim men úmit aqtaldy", — dedi Ábdiǵapparovtyń qorǵaýshysy.
Sonymen qatar Qobjanova bul iste seksýaldyq sipattaǵy qylmystar da bar, sondyqtan protsess jabyq ótetinin aitty. Sondai-aq ol ádil úkim shyǵarylyp, ádilettilik saltanat quratynyna úmittenetinin jetkizdi.
Buǵan deiin Ulttyq qaýipsizdik komiteti bylaiǵy ortada Bolat Nazarbaevtyń senimdi ókili sanalyp kelgen Eldos Qospaev bastaǵan qylmystyq toptyń 7 múshesin Soltústik Kiprden Qazaqstanǵa jetkizgenin málimdegen edi. Bul operatsiia byltyr 6 qyrkúiekte júzege asyryldy.
Bul topqa QR Qarjylyq monitoringi agenttigi reiderlik jasady, uiymdasqan qylmystyq top qurdy jáne oǵan qatysty degen kúdikpen halyqaralyq izdeý jariialaǵan bolatyn.
Osylaisha Jambyl oblysynyń bas prokýrory Nurǵalym Ábdirov Eldos Qospaevtyń qylmystyq toby elden shekaradaǵy salǵyrttyq saldarynan qashyp ketkenin aitty.
"Qordaidaǵy tártipsizdikter kezinde memlekettik organdardyń jumysy durys emes ekeni anyqtaldy. Onyń ishinde, memlekettik shekaranyń senimsiz bolýy da bar. Shekara qyzmetin baqylaý bizdiń quzyrymyzdaǵy nárse emes. Biraq bizdiń oblysymyz shekarada turǵandyqtan shekara qaýipsizdigi máseleleri bizdiń baqylaýymyzsyz qalmaidy. Bul jumysqa quqyq qorǵaý organdary ǵana emes, jergilikti atqarýshy organdar da tartylady.
(...)
Sońǵy jyldary Qazaqstandy Eýropaǵa ótý úshin Ońtústik Aziia azamattarynyń (Pákistan, Nepal, Bangladesh, Aýǵanstan) tranzittik el retinde paidalaný jaǵdailary jiilep ketti. Qazir biz qylmystyq elementterdi qoldana alatyn shekaranyń tar jáne álsiz jerlerin alyp tastaýmen ainalysamyz", - dedi Ábdirov Orda.kz-ke bergen suhbatynda.
