قازاقستاننىڭ ەكس-پرەزيدەنتٸ نۇرسۇلتان نازارباەۆتىڭ مارقۇم ٸنٸسٸ بولات نازارباەۆتىڭ قىلمىس ەلەمٸندەگٸ قولشوقپارى بولعان ەلدوس قوسپاەۆتىڭ ۇيىمداسقان قىلمىستىق توبىنا قاتىستى سوت وتىرىسى باستالدى, دەپ حابارلايدى Dalanews.kz.
بۇل تۋرالى الماس ەبدٸعاپپاروۆتىڭ قورعاۋشىسى سەۋلە قوبجانوۆا facebook ەلەۋمەتتٸك جەلٸسٸندە مەلٸم ەتتٸ.
"بٷگٸن ەلدوس قوسپاەۆ باسقارعان ۇيىمداسقان قىلمىستىق توپتىڭ ٷستٸنەن, ونىڭ ٸشٸندە ەلدوستىڭ اعاسى ايدوس قوسپاەۆ, ەرلان يماشەۆ, رۋسلان شالين, وكسانا كۋدرياشوۆا, داستان ەبٸجانوۆ, تيمۋر تاناشەۆ جەنە قوسپاەۆقا جاقىن باسقا قىلمىس ەلەمٸنٸڭ ٶكٸلدەرٸنە قاتىستى قىلمىستىق ٸس قوزعالدى. ولاردىڭ كٶپشٸلٸگٸ ۇلتتىق قاۋٸپسٸزدٸك كوميتەتٸنٸڭ سولتٷستٸك كيپرمەن بٸرلەسكەن وپەراتسيياسى كەزٸندە جەتكٸزٸلگەن بولاتىن.
بٸز بۇل ٸستٸڭ العا جىلجۋى ٷشٸن 3 جىل بويى جۇمىس ٸستەدٸك. ارىز بەرٸلٸپ, قىلمىستىق ٸس قوزعالعان سەتتەن باستاپ استاناعا باس پروكۋراتۋراعا بارۋدان شارشامادىق. سەبەبٸ قىلمىستىق ٸس قوزعاۋعا بار كٷشٸمٸزدٸ سالدىق, اقىرى دەلەلدەرٸمٸز تىڭدالىپ, قولداۋ تاپتى. 3 جىل بويى كٷيزەلٸسپەن اۋىز تولتىرىپ ايتاتىنداي جۇمىس اتقارىلدى. ەدٸلدٸككە دەگەن مىزعىماس سەنٸم مەن ٷمٸت اقتالدى", — دەدٸ ەبدٸعاپپاروۆتىڭ قورعاۋشىسى.
سونىمەن قاتار قوبجانوۆا بۇل ٸستە سەكسۋالدىق سيپاتتاعى قىلمىستار دا بار, سوندىقتان پروتسەسس جابىق ٶتەتٸنٸن ايتتى. سونداي-اق ول ەدٸل ٷكٸم شىعارىلىپ, ەدٸلەتتٸلٸك سالتانات قۇراتىنىنا ٷمٸتتەنەتٸنٸن جەتكٸزدٸ.
بۇعان دەيٸن ۇلتتىق قاۋٸپسٸزدٸك كوميتەتٸ بىلايعى ورتادا بولات نازارباەۆتىڭ سەنٸمدٸ ٶكٸلٸ سانالىپ كەلگەن ەلدوس قوسپاەۆ باستاعان قىلمىستىق توپتىڭ 7 مٷشەسٸن سولتٷستٸك كيپردەن قازاقستانعا جەتكٸزگەنٸن مەلٸمدەگەن ەدٸ. بۇل وپەراتسييا بىلتىر 6 قىركٷيەكتە جٷزەگە اسىرىلدى.
بۇل توپقا قر قارجىلىق مونيتورينگٸ اگەنتتٸگٸ رەيدەرلٸك جاسادى, ۇيىمداسقان قىلمىستىق توپ قۇردى جەنە وعان قاتىستى دەگەن كٷدٸكپەن حالىقارالىق ٸزدەۋ جارييالاعان بولاتىن.
وسىلايشا جامبىل وبلىسىنىڭ باس پروكۋرورى نۇرعالىم ەبدٸروۆ ەلدوس قوسپاەۆتىڭ قىلمىستىق توبى ەلدەن شەكاراداعى سالعىرتتىق سالدارىنان قاشىپ كەتكەنٸن ايتتى.
"قوردايداعى تەرتٸپسٸزدٸكتەر كەزٸندە مەملەكەتتٸك ورگانداردىڭ جۇمىسى دۇرىس ەمەس ەكەنٸ انىقتالدى. ونىڭ ٸشٸندە, مەملەكەتتٸك شەكارانىڭ سەنٸمسٸز بولۋى دا بار. شەكارا قىزمەتٸن باقىلاۋ بٸزدٸڭ قۇزىرىمىزداعى نەرسە ەمەس. بٸراق بٸزدٸڭ وبلىسىمىز شەكارادا تۇرعاندىقتان شەكارا قاۋٸپسٸزدٸگٸ مەسەلەلەرٸ بٸزدٸڭ باقىلاۋىمىزسىز قالمايدى. بۇل جۇمىسقا قۇقىق قورعاۋ ورگاندارى عانا ەمەس, جەرگٸلٸكتٸ اتقارۋشى ورگاندار دا تارتىلادى.
(...)
سوڭعى جىلدارى قازاقستاندى ەۋروپاعا ٶتۋ ٷشٸن وڭتٷستٸك ازييا ازاماتتارىنىڭ (پەكٸستان, نەپال, بانگلادەش, اۋعانستان) ترانزيتتٸك ەل رەتٸندە پايدالانۋ جاعدايلارى جيٸلەپ كەتتٸ. قازٸر بٸز قىلمىستىق ەلەمەنتتەردٸ قولدانا الاتىن شەكارانىڭ تار جەنە ەلسٸز جەرلەرٸن الىپ تاستاۋمەن اينالىسامىز", - دەدٸ ەبدٸروۆ Orda.kz-كە بەرگەن سۇحباتىندا.
