Búgin Májilis kýlýarynda BAQ ókilderi Ádilet ministri Azamat Esqaraevtan marqum Bolat Nazarbaevtyń tóńiregindegi daýǵa aldaǵy ýaqytta kim jaýap beretinin surady, dep habarlaidy Dalanews.kz.
Jýrnalisterdiń biri ministrge "Marqum Bolat Nazarbaevtyń tiri kúninde istegen qylmystaryna qatysty aryzdar túsip jatyr. Onyń ishinde aýyr qylmystar da bar. Bolat Nazarbaevtyń qylmysyna kim jaýap beredi?" dep suraq qoidy.
Azamat Esqaraev jýrnalisterdiń bul saýalyna qysqa jaýap qaiyrdy.
"Bul is boiynsha quqyq qorǵaý organdaryna júgine alasyz. Biz – azamattyq organbyz. Bul suraq meniń quzyretime kirmeidi", - dedi Ádilet ministri.
Eske salaiyq, Bolat Nazarbaev 2023 jyldyń qarashasynda sozylmaly aýrý saldarynan qaitys boldy. Onyń qazasynan keiin Qazaqstannyń tuńǵysh prezidenti Nursultan Nazarbaev halyqqa úndeý jasaǵan bolatyn.
"Inimniń mezgilsiz qaitys bolýyna orai aitylǵan jyly sózder men shynaiy tilekterińizge rizashylyǵymdy bildiremin. Osyndai aýyr sátte sizderdiń kórsetken qoldaýlaryńyz maǵan kúsh-qýat berdi.Jaqyn adamnan aiyrylý orny tolmas qasiret. Ol uzaq jyldar boiy aýyrdy, biraq bizge eshqashan qinalǵanyn bildirtpedi. Sońǵy kúnderi birqatar eldiń basshylarynan kóńil aitý jedelhattaryn alyp jatyrmyn. Sondai-aq, maǵan elimizdiń saiasi jáne qoǵam qairatkerlerinen, depýttatar men diplomattardan, dini qyzmetkerler men biznes qoǵamdastyq ókilderinen, sondai-aq kóptegen qazaqstandyqtardan hattar kelip tústi. Qaiǵymdy bólisip, qoldaý bildirgen barlyq janǵa alǵysymdy aitamyn. Shynaiy nietterińizge kóp raqmet", - delingen jazbada.
