بٷگٸن مەجٸلٸس كۋلۋارىندا باق ٶكٸلدەرٸ ەدٸلەت مينيسترٸ ازامات ەسقاراەۆتان مارقۇم بولات نازارباەۆتىڭ تٶڭٸرەگٸندەگٸ داۋعا الداعى ۋاقىتتا كٸم جاۋاپ بەرەتٸنٸن سۇرادى, دەپ حابارلايدى Dalanews.kz.
جۋرناليستەردٸڭ بٸرٸ مينيسترگە "مارقۇم بولات نازارباەۆتىڭ تٸرٸ كٷنٸندە ٸستەگەن قىلمىستارىنا قاتىستى ارىزدار تٷسٸپ جاتىر. ونىڭ ٸشٸندە اۋىر قىلمىستار دا بار. بولات نازارباەۆتىڭ قىلمىسىنا كٸم جاۋاپ بەرەدٸ?" دەپ سۇراق قويدى.
ازامات ەسقاراەۆ جۋرناليستەردٸڭ بۇل ساۋالىنا قىسقا جاۋاپ قايىردى.
"بۇل ٸس بويىنشا قۇقىق قورعاۋ ورگاندارىنا جٷگٸنە الاسىز. بٸز – ازاماتتىق ورگانبىز. بۇل سۇراق مەنٸڭ قۇزىرەتٸمە كٸرمەيدٸ", - دەدٸ ەدٸلەت مينيسترٸ.
ەسكە سالايىق, بولات نازارباەۆ 2023 جىلدىڭ قاراشاسىندا سوزىلمالى اۋرۋ سالدارىنان قايتىس بولدى. ونىڭ قازاسىنان كەيٸن قازاقستاننىڭ تۇڭعىش پرەزيدەنتٸ نۇرسۇلتان نازارباەۆ حالىققا ٷندەۋ جاساعان بولاتىن.
"ٸنٸمنٸڭ مەزگٸلسٸز قايتىس بولۋىنا وراي ايتىلعان جىلى سٶزدەر مەن شىنايى تٸلەكتەرٸڭٸزگە ريزاشىلىعىمدى بٸلدٸرەمٸن. وسىنداي اۋىر سەتتە سٸزدەردٸڭ كٶرسەتكەن قولداۋلارىڭىز ماعان كٷش-قۋات بەردٸ.جاقىن ادامنان ايىرىلۋ ورنى تولماس قاسٸرەت. ول ۇزاق جىلدار بويى اۋىردى, بٸراق بٸزگە ەشقاشان قينالعانىن بٸلدٸرتپەدٸ. سوڭعى كٷندەرٸ بٸرقاتار ەلدٸڭ باسشىلارىنان كٶڭٸل ايتۋ جەدەلحاتتارىن الىپ جاتىرمىن. سونداي-اق, ماعان ەلٸمٸزدٸڭ ساياسي جەنە قوعام قايراتكەرلەرٸنەن, دەپۋتتاتار مەن ديپلوماتتاردان, دٸني قىزمەتكەرلەر مەن بيزنەس قوعامداستىق ٶكٸلدەرٸنەن, سونداي-اق كٶپتەگەن قازاقستاندىقتاردان حاتتار كەلٸپ تٷستٸ. قايعىمدى بٶلٸسٸپ, قولداۋ بٸلدٸرگەن بارلىق جانعا العىسىمدى ايتامىن. شىنايى نيەتتەرٸڭٸزگە كٶپ راقمەت", - دەلٸنگەن جازبادا.
