11 jeltoqsanda Almatyda Bolat Nazarbaevqa qatysy bar birneshe kompaniia oryn tepken ákimshilik ǵimarat aýktsionǵa shyǵarylady, dep habarlaidy Dalanews.kz.
Bul týraly “Qaitarylǵan aktivterdi basqarý kompaniiasy” málimdedi. Qazirgi ýaqytta atalǵan ǵimarat osy kompaniianyń menshiginde.
Ainalasy shyrshalarmen qorshalǵan qyzǵylt sary ǵimarat Bostandyq aýdany Baitursynuly 104 A mekenjaiynda ornalasqan.
"Aldaǵy aýktsion týraly habarlamada ǵimaratty satý boiynsha saýda 11 jeltoqsanda memlekettik múlik tizilimi saitynda ótetini aitylǵan. Bastapqy baǵa — 1 549 542 736 teńge. Biyl tamyz aiynda bul ǵimarat aýktsionǵa shyǵarylǵanymen, satyp alýshy tabylmaǵan edi. Sol kezde Bes.media basylymy ǵimarattaǵy keńselerdi jalǵa alý quny sharshy metrine 16 500 teńge ekenin jazǵan",- deidi Kýrsiv basylymy.
CMN basylymy biylǵy sáýir aiynda bul ǵimarattyń Nazarbaevtar áýletimen bailanysy bar ekenin habarlaǵan. Basylymnyń málimetinshe, Baitursynuly kóshesi 104A mekenjaiyndaǵy ǵimaratta Bolat Nazarbaev pen onyń uly Nurbol Nazarbaevqa tiesili “BN InvestCapital” JShS men “Úsh Qońyr Invest” Korporatsiiasy” JShS kompaniialarynyń keńseleri ornalasqan.
Sondai-aq Infostats.co kontragentterdi tekserý saitynyń málimetinshe, osy mekenjaida Daniiar Nazarbaevqa — Bolat Nazarbaevtyń basqa ulyna tiesili bolǵan (qazirgi ýaqytta taratylǵan) “Mýz-TV Qazaqstan” kompaniiasy tirkelgen.
Jaqynda “Kýrsiv” basylymy memlekettik múlik tizilimindegi aýktsionǵa Shamalǵanda ornalasqan jer ýchaskesi shyǵarylǵanyn habarlady. Bul jerler Nursultan Nazarbaev pen onyń inisi Bolat Nazarbaev shyqqan óńirge tiesili. Aýktsionǵa shyǵarylǵan jerlermen qatar, Bolat Nazarbaevpen bailanysy bar ýchaskeler de osy óńirde ornalasqan. Alaida satyp alýshy tabylmaǵandyqtan, saýda bolmaǵan.
Sonymen qatar “Kýrsiv” basylymy “Qaitarylǵan aktivterdi basqarý kompaniiasynyń” Qairat Satybaldyulynyń Túrkiiadaǵy záýlim jyljymaityn múlikterin satqanyn habarlady. Kompaniia Bodrým men Ystanbuldaǵy quny 4 mlrd teńgeden asatyn eki úi men páterdi satý sátti ótkenin málimdegen.
