Bolat Baqaýov aýdan ákimderiniń jumysyn synǵa aldy
Fedorovka aýylynyń Mádeniet úiinde ótken kezdesýde Qashyr aýdanynyń ákimi Shuǵaev Janat alǵashqy bolyp sóz kezegin aldy. Ol kelesi jyly Baiqonys aýylynda as tuzy óndiriletini týraly habarlady. Qazirgi kezde 2016-2017 jyldary bul jobaǵa 375 million teńge quiýǵa ázir investor bar. Ol as tuzyn óndirýge qajetti quny 75 million teńge turatyn qural-jabdyqtar satyp alýdy bastap ketti.
– Jer qoinaýyn paidalaný boiynsha kelisimshart jasaý jumystary 24 aidyń ishinde júrgizilýi tiis. Alaida, investor bul jumysty 12 aidyń ishinde aiaqtaýdy josparlap otyr, – dedi aýdan basshysy. – Jobanyń bolashaǵy bar. 2017 jyly investor tuz óndirýdi bastaidy dep oilaimyn». Bolat Baqaýov ár tirek aýylda aýyl qurýshy kásiporyn bolýy kerek ekendigin atap ótti. «Árine, biz tirek eldi mekenderdi damytýǵa biýdjetten qarjy bólip, olardyń infraqurylymyn jaqsartýmen ainalysamyz. Biraq, bul sharalar negizgi jumystyń tek 10 paiyzyn ǵana quraidy. Eń bastysy – ár tirek aýylda turǵyndardy jumyspen qamtyp, biýdjetke salyq tóleýge qaýqarly kásiporyn bolýy kerek, – dedi.
Jiyn barysynda oblys ákimi jergilikti atqarýshy organdar tirek aýyldardy damytý jumysyna selqos qaraitynyn atap ótti. Máselen, Jelezin aýdanyndaǵy Bashmachnoe aýylynda jer asty sýlaryn izdeý jumystary tym kesh bastalǵan. «700 adam ómir súretin Bashmachnoe aýylyn sýmen qamtýdy keiinge qaldyryp, Krýpskoe aýyly siiaqty 200 adam turatyn kishkentai aýyldarda sý izdeý jumystaryn júrgizgenderińizge jol bolsyn, – dedi Bolat Baqaýov. – Aýdan ákimi de, aýyl ákimi de birinshi kún jumys istep otyrǵan joq, máseleniń mán-jaiyn bilýleri kerek». Sonymen qatar, aimaq basshysy aýdan ákimderine joldardy qardan der kezinde tazalap, bos turǵan jerlerdi aýyl sharýashylyq ainalymyna engizý jóninde tapsyrma berdi.
