Májilis depýtaty Erlan Saiyrov 2025-2027 jylǵa arnalǵan respýblikalyq biýdjet jobasyn synap tastady, dep habarlaidy Dalanews.kz.
Depýtat biýdjet qarjysyn ońdy-soldy basqarý bolashaqta úlken máselege ákep soǵatynyn atap ótti.
“Prezident Toqaev joldaýda qarjy salasynda kórpege qarai kósilý keregin aitty. Biýdjetke nazar salsaq, bolashaq urpaǵymyz qaryzǵa belshesinen batatyn kórinedi”, - deidi ol.
Osy tusta ol baiandamaǵa sáikes, birneshe mysal keltirdi.
“Salyqtar – 15 trillion teńge, Ulttyq qordan kepildendirilgen transfert – 2 trln teńge, Ulttyq qordan nysanalyq transfert – 3,2 trln teńge, biýdjettiń tapshylyǵy – 4,8 trln teńge. Osy 4,8 trillion teńgeni sizder qaryzǵa alǵaly otyrsyzdar. 25,7 trillion teńgeniń 10%-y, iaǵni, 2,5 trillion qaryzdy sizder qazirdiń ózindetólep otyrsyzdar. Sonda biýdjettiń 15%-y tek qana qaryz óteýmen ketedi degen sóz. Osy 4,8 trillion teńgeni sizder qandai mólshermen alyp otyrsyzdar? Paiyzdy eseptegende ol bizdiń halyqqa qansha somaǵa jetedi?”, – dep Saiyrov Ulttyq ekonomika vitse-ministri Azamat Ámringe saýal joldady.
Al Azamat Ámrinniń sózinshe, kirister shyǵystarǵa qaraǵanda baiaý ósýde. Buǵan koronavirýstyq pandemiia kezeńi basty sebep bolǵanyn jetkizdi.
“Esterińizde bolsa, pandemiia kezeńi, pandemiiadan keiingi kezeń, sodan keiin qańtar oqiǵasy boldy. Biz Ulttyq qordan jyl saiyn shamamen 4,5-5 trillion teńge transfert alyp otyrdyq. Aita keteiik, biz negizgi shyǵyndarǵa qatysty barlyq biýdjetti qabyldap aldyq. Bul áleýmettik tólemder, áleýmettik járdemaqylar, jalaqylar, memlekettik tapsyrmalar syndy áleýmettik qajettilikter ósip keledi”, – dedi Ámrin.
