مەجٸلٸس دەپۋتاتى ەرلان سايىروۆ 2025-2027 جىلعا ارنالعان رەسپۋبليكالىق بيۋدجەت جوباسىن سىناپ تاستادى, دەپ حابارلايدى Dalanews.kz.
دەپۋتات بيۋدجەت قارجىسىن وڭدى-سولدى باسقارۋ بولاشاقتا ٷلكەن مەسەلەگە ەكەپ سوعاتىنىن اتاپ ٶتتٸ.
“پرەزيدەنت توقاەۆ جولداۋدا قارجى سالاسىندا كٶرپەگە قاراي كٶسٸلۋ كەرەگٸن ايتتى. بيۋدجەتكە نازار سالساق, بولاشاق ۇرپاعىمىز قارىزعا بەلشەسٸنەن باتاتىن كٶرٸنەدٸ”, - دەيدٸ ول.
وسى تۇستا ول بايانداماعا سەيكەس, بٸرنەشە مىسال كەلتٸردٸ.
“سالىقتار – 15 تريلليون تەڭگە, ۇلتتىق قوردان كەپٸلدەندٸرٸلگەن ترانسفەرت – 2 ترلن تەڭگە, ۇلتتىق قوردان نىسانالىق ترانسفەرت – 3,2 ترلن تەڭگە, بيۋدجەتتٸڭ تاپشىلىعى – 4,8 ترلن تەڭگە. وسى 4,8 تريلليون تەڭگەنٸ سٸزدەر قارىزعا العالى وتىرسىزدار. 25,7 تريلليون تەڭگەنٸڭ 10%-ى, ياعني, 2,5 تريلليون قارىزدى سٸزدەر قازٸردٸڭ ٶزٸندەتٶلەپ وتىرسىزدار. سوندا بيۋدجەتتٸڭ 15%-ى تەك قانا قارىز ٶتەۋمەن كەتەدٸ دەگەن سٶز. وسى 4,8 تريلليون تەڭگەنٸ سٸزدەر قانداي مٶلشەرمەن الىپ وتىرسىزدار? پايىزدى ەسەپتەگەندە ول بٸزدٸڭ حالىققا قانشا سوماعا جەتەدٸ?”, – دەپ سايىروۆ ۇلتتىق ەكونوميكا ۆيتسە-مينيسترٸ ازامات ەمرينگە ساۋال جولدادى.
ال ازامات ەمريننٸڭ سٶزٸنشە, كٸرٸستەر شىعىستارعا قاراعاندا باياۋ ٶسۋدە. بۇعان كوروناۆيرۋستىق پاندەمييا كەزەڭٸ باستى سەبەپ بولعانىن جەتكٸزدٸ.
“ەستەرٸڭٸزدە بولسا, پاندەمييا كەزەڭٸ, پاندەمييادان كەيٸنگٸ كەزەڭ, سودان كەيٸن قاڭتار وقيعاسى بولدى. بٸز ۇلتتىق قوردان جىل سايىن شامامەن 4,5-5 تريلليون تەڭگە ترانسفەرت الىپ وتىردىق. ايتا كەتەيٸك, بٸز نەگٸزگٸ شىعىندارعا قاتىستى بارلىق بيۋدجەتتٸ قابىلداپ الدىق. بۇل ەلەۋمەتتٸك تٶلەمدەر, ەلەۋمەتتٸك جەردەماقىلار, جالاقىلار, مەملەكەتتٸك تاپسىرمالار سىندى ەلەۋمەتتٸك قاجەتتٸلٸكتەر ٶسٸپ كەلەدٸ”, – دەدٸ ەمرين.
