Saltanattyń aǵasy Aitbek Amangeldi Núkenova men Bishimbaev qalai tanysqanyn aityp berdi, - dep habarlaidy Dalanews.kz.
Aitbek Amangeldi onyń jalǵyz qaryndasy ekenin, ekeýi birge óskenin aitty.
"Sondyqtan óte jaqsy aralasatynbyz, aramyzda eshqandai syr bolmaityn. 2022 jyldyń tamyzynda ol maǵan kóńil bólip júrgen bir jigit paida bolǵanyn aitty. Ol (Bishimbaev) Saltanattan keńes alýǵa jazylýǵa birneshe ret tyrysqan. Saltanat astrologiia boiynsha er adamdarǵa keńes bermeitin. Sondyqtan qabyldaýdan bas tartqan. Tipti bir áiel qabyldaýǵa jazylyp, artynan Qýandyq kelgen kez de bolǵan. Iaǵni uzaq ýaqyt boiy kezdese almai júrgen. Artynan Qýandyq Saltanattyń nómirin taýyp alyp, jaza bastaǵan. Saltanat ony da maǵan kórsetti. Hatta Qýandyq "Saltanat, men týraly asyǵys sheshim qabyldamańyz. Tanysaiyq, sóileseiik. Men týraly jazylǵan nárselerge senbeńiz. Ózińiz oilanyp, meni qabyldaýyńyzǵa jazyńyz" dep jazǵan", - deidi Aitbek Amangeldi.
Saltanattyń aǵasy bárinen habardar bolyp otyrǵanymen Bishimbaevtyń áreketterine asa mán bermegen.
"Keiinnen Saltanat Qýandyqty aqyry qabyldaýyna jazǵanyn bildim. Sebebi Qýandyq uzaq ýaqyt boiy ótinish jasaǵan. Jalpy Saltanat ony bolashaq jary retinde qarastyrmaǵan. Keiinnen 2022 jyly 29 qyrkúiekte Bishimbaev Saltanatty Konstantin Meladzeniń kontsertine shaqyrǵan. Bizdiń anamyzdy da shaqyrǵan. Biraq anamyz barmady. Saltanat qurbysy Aidamen bardy", - deidi Saltanattyń aǵasy.
Artynsha qazan aiynda Saltanat Bakýdegi qurbysyna barǵan. Aǵasynyń sózinshe, ol Bakýde Qýandyq Bishimbaevpen birge barǵan.
"Saltanat Bishimbaev onyń talǵamyndaǵy jigit emes ekenin, ortaq áńgimeleri joǵyn, tipti astrologiia boiynsha da sáikes kelmeitinderin aitqan bolatyn. Biraq Bakýdegi sapardan keiin Saltanattyń Qýandyq týraly oiy ózgerdi. Qazannyń sońynda Qýandyq Saltanatqa úilenýge usynys jasaǵanyn estidim. Onyń instagram arqyly bildim. Saltanat ata-anamyzben sóilesip, Qýandyqty jaqtady", - deidi Aitbek Amangeldi.
