Ǵylym jáne joǵary bilim ministri Saiasat Nurbek “Bolashaq” baǵdarlamasynyń keibir túlekteri memleket aldyndaǵy mindetin oryndamai júrgenin málimdedi, dep habarlaidy Dalanews.kz.
Úkimette ótken brifingte jýrnalister ministrden shetelde bilim alǵan, biraq elge qaityp, jumys istemegen túlekterdiń naqty sanyn surady.
“Ókinishke qarai, mundai túlekter bar. Ótken jyly aýqymdy aýdit júrgizilip, “Bolashaq” baǵdarlamasynyń aqparattyq júiesi men shekara qyzmetiniń bazasy biriktirildi. Endi árbir túlektiń qaida ekenin baqylap otyrýǵa múmkindik bar. Qazirgi tańda 200-300 aralyǵynda adam anyqtaldy. Olardyń stipendiiasy toqtatylyp, qarjyny memleketke qaitarý sharalary qolǵa alynýda. Bul protsess sot sheshimi nemese ekijaqty kelisim arqyly júzege asady,” – dedi ministr.
Ministrlik “Bolashaq” túlekteriniń mindettemelerin oryndaýyn qatań qadaǵalap, baqylaý mehanizmderin kúsheitip jatqanyn atap ótti.
