عىلىم جانە جوعارى ءبىلىم ءمينيسترى ساياسات نۇربەك “بولاشاق” باعدارلاماسىنىڭ كەيبىر تۇلەكتەرى مەملەكەت الدىنداعى مىندەتىن ورىنداماي جۇرگەنىن مالىمدەدى، دەپ حابارلايدى Dalanews.kz.
ۇكىمەتتە وتكەن بريفينگتە جۋرناليستەر مينيستردەن شەتەلدە ءبىلىم العان، ءبىراق ەلگە قايتىپ، جۇمىس ىستەمەگەن تۇلەكتەردىڭ ناقتى سانىن سۇرادى.
“وكىنىشكە قاراي، مۇنداي تۇلەكتەر بار. وتكەن جىلى اۋقىمدى اۋديت جۇرگىزىلىپ، “بولاشاق” باعدارلاماسىنىڭ اقپاراتتىق جۇيەسى مەن شەكارا قىزمەتىنىڭ بازاسى بىرىكتىرىلدى. ەندى ءاربىر تۇلەكتىڭ قايدا ەكەنىن باقىلاپ وتىرۋعا مۇمكىندىك بار. قازىرگى تاڭدا 200-300 ارالىعىندا ادام انىقتالدى. ولاردىڭ ستيپەندياسى توقتاتىلىپ، قارجىنى مەملەكەتكە قايتارۋ شارالارى قولعا الىنۋدا. بۇل پروسەسس سوت شەشىمى نەمەسە ەكىجاقتى كەلىسىم ارقىلى جۇزەگە اسادى،” – دەدى مينيستر.
مينيسترلىك “بولاشاق” تۇلەكتەرىنىڭ مىندەتتەمەلەرىن ورىنداۋىن قاتاڭ قاداعالاپ، باقىلاۋ مەحانيزمدەرىن كۇشەيتىپ جاتقانىن اتاپ ءوتتى.
