Ortalyq kommýnikatsiialar qyzmetinde ótken brifingte bas bapkerge mynandai suraq qoiyldy: Bokstan Qazaqstan ulttyq quramasynyń sońǵy nátijelerine bailanysty óz erkimen qazirgi qyzmetińizden ketý oiyńyzda bar ma?
Árine, mundai oi bolýy múmkin. Basshylar bárin talqylap, sheshim qabyldaidy. Muny basshylyq sheshedi, biraq men dál qazir sizdiń suraǵyńyzǵa jaýap bere almaimyn, - dedi Kenjebaev.
Óz kezeginde bokstan Tokiodaǵy Olimpiada oiyndarynyń qola júldegeri Sáken Bibosynov keshegi sharshy alańdaǵy oiynda jeńilmegenin aitty.
Men bar kúshimdi saldym. Jeńildim dep oilamaimyn, biraq tóreshilerdiń sheshimi sondai boldy. Úige oralǵan boida jattyqtyrýshymmen birge qatelikterdi taldaimyz, ári qarai jattyǵamyz, basqa starttarda bul qatelikterdi qaitalamaýǵa tyrysamyz, - dep ýáde etti Sáken Bibosynov.
QR MSM Sport jáne dene shynyqtyrý komitetiniń tóraǵasy Serik Sápievtiń aitýynsha, Qazaqstan boksshylarynyń ishinde Sákenniń nátijesine jaqsy boldy, al ulttyq quramanyń qalǵan barlyq músheleri kóńildi qaldyrdy.
Bárinen de Sáken Bibosynovqa riza boldym. Keremet aiqas boldy, ol jeńiske jetý úshin baryn saldy. Biraq odan keiin kóńil qaldy. 69 kelige deiin jáne odan keiingilerde kóp júldege ie bolamyz degen úmit bolǵan. Ásirese buǵan deiin halyqaralyq arenada nátijege qol jetkizip júrgenderdi aitamyn. Búkil qurama eńsemizdi túsirdi, tek Sáken ǵana qýantty, - dedi Sápiev.
Onyń aitýynsha, qazir bizdiń sportshylarǵa qoldaý kórsetý qajet, óitkeni áli alda balýandar men karateshilerdiń óneri bar. Degenmen, ol úige oralǵanda qateler boiynsha jumys mindetti túrde júrgiziletinine sendirdi.
Qatelikter boiynsha mindetti túrde jumys júrgiziletin bolady. Jattyqtyrýshylar keńesi qatelermen jumys jasaidy ... Oiynnan keiin jattyqtyrýshylardyń biliktiligi men jattyqtyrýshylardy aýystyrý máselesi qaralady. Osyǵan bailanysty biz qatelermen jumys jasaimyz. Olimpiadadan keiin biz mindetti túrde keńeitilgen otyrys ótkizemiz, onda kemshilikter bolsa, tiisti sheshimder qabyldaimyz, - dep sendirdi Sápiev
