ورتالىق كوممۋنيكاسيالار قىزمەتىندە وتكەن بريفينگتە باس باپكەرگە مىنانداي سۇراق قويىلدى: بوكستان قازاقستان ۇلتتىق قۇراماسىنىڭ سوڭعى ناتيجەلەرىنە بايلانىستى ءوز ەركىمەن قازىرگى قىزمەتىڭىزدەن كەتۋ ويىڭىزدا بار ما؟
ارينە، مۇنداي وي بولۋى مۇمكىن. باسشىلار ءبارىن تالقىلاپ، شەشىم قابىلدايدى. مۇنى باسشىلىق شەشەدى، ءبىراق مەن ءدال ءقازىر ءسىزدىڭ سۇراعىڭىزعا جاۋاپ بەرە المايمىن، - دەدى كەنجەبايەۆ.
ءوز كەزەگىندە بوكستان توكيوداعى وليمپيادا ويىندارىنىڭ قولا جۇلدەگەرى ساكەن بيبوسىنوۆ كەشەگى شارشى الاڭداعى ويىندا جەڭىلمەگەنىن ايتتى.
مەن بار كۇشىمدى سالدىم. جەڭىلدىم دەپ ويلامايمىن، ءبىراق تورەشىلەردىڭ شەشىمى سونداي بولدى. ۇيگە ورالعان بويدا جاتتىقتىرۋشىممەن بىرگە قاتەلىكتەردى تالدايمىز، ءارى قاراي جاتتىعامىز، باسقا ستارتتاردا بۇل قاتەلىكتەردى قايتالاماۋعا تىرىسامىز، - دەپ ۋادە ەتتى ساكەن بيبوسىنوۆ.
ق ر مسم سپورت جانە دەنە شىنىقتىرۋ كوميتەتىنىڭ ءتوراعاسى سەرىك ساپييەۆتىڭ ايتۋىنشا، قازاقستان بوكسشىلارىنىڭ ىشىندە ساكەننىڭ ناتيجەسىنە جاقسى بولدى، ال ۇلتتىق قۇرامانىڭ قالعان بارلىق مۇشەلەرى كوڭىلدى قالدىردى.
بارىنەن دە ساكەن بيبوسىنوۆقا ريزا بولدىم. كەرەمەت ايقاس بولدى، ول جەڭىسكە جەتۋ ءۇشىن بارىن سالدى. ءبىراق ودان كەيىن كوڭىل قالدى. 69 كەلىگە دەيىن جانە ودان كەيىنگىلەردە كوپ جۇلدەگە يە بولامىز دەگەن ءۇمىت بولعان. اسىرەسە بۇعان دەيىن حالىقارالىق ارەنادا ناتيجەگە قول جەتكىزىپ جۇرگەندەردى ايتامىن. بۇكىل قۇراما ەڭسەمىزدى ءتۇسىردى، تەك ساكەن عانا قۋانتتى، - دەدى ساپييەۆ.
ونىڭ ايتۋىنشا، ءقازىر ءبىزدىڭ سپورتشىلارعا قولداۋ كورسەتۋ قاجەت، ويتكەنى ءالى الدا بالۋاندار مەن كاراتەشىلەردىڭ ونەرى بار. دەگەنمەن، ول ۇيگە ورالعاندا قاتەلەر بويىنشا جۇمىس مىندەتتى تۇردە جۇرگىزىلەتىنىنە سەندىردى.
قاتەلىكتەر بويىنشا مىندەتتى تۇردە جۇمىس جۇرگىزىلەتىن بولادى. جاتتىقتىرۋشىلار كەڭەسى قاتەلەرمەن جۇمىس جاسايدى ... ويىننان كەيىن جاتتىقتىرۋشىلاردىڭ بىلىكتىلىگى مەن جاتتىقتىرۋشىلاردى اۋىستىرۋ ماسەلەسى قارالادى. وسىعان بايلانىستى ءبىز قاتەلەرمەن جۇمىس جاسايمىز. وليمپيادادان كەيىن ءبىز مىندەتتى تۇردە كەڭەيتىلگەن وتىرىس وتكىزەمىز، وندا كەمشىلىكتەر بولسا، ءتيىستى شەشىمدەر قابىلدايمىز، - دەپ سەندىردى ساپييەۆ
