Qazaqstannyń bilik organdaryna «Reseidiń ofitserler odaǵy» qoǵamdyq birlestigi uiymynyń tóraǵasy S.A. Lipov aty-jóni belgisiz kýágerlerdiń sózine súienip, «Ulttyq jáne dini belgisine bailanysty orystildi Qazaqstan azamattaryn qoqan-loqy kórsetip, kúsh kórsetýine bailanysty» aryzdanyp, ún qatqanyn estidik.
Osy rette Qazaqstandaǵy orys, slavian jáne kazaktary assotsiiasy uiymynyń jetekshisi retinde Qazaqstanda ulttyq jáne dini belgisine bailanysty orystildi azamattardy alalaý, kúsh kórsetý jáne uryp-soǵý faktisi múlde joq ekenin aitqym keledi!
«Reseidiń ofitserler odaǵy» qoǵamdyq birlestigi uiymynyń aýyzsha aitqan málimdemesi shyndyqqa múlde sáikespeidi. Mundai dálelsiz áńgimeler Qazaqstan men Resei arasyndaǵy dostyq pen starategiialyq áriptestikke kesirin tigizetini anyq.
Osy rette otandastarymnyń atynan bizdiń elimizde tildik jaǵdaiǵa bailanysty kemsitýshilik joq. Keibir adamdardyń tildik máselege bailanysty aityp júrgen arandatýshylyq baǵyttaǵy oi-pikirleri Qazaqstandaǵy orystildi azamattarydyń oiymen múlde sáikes kelmeidi.
Búginde qazaq tilin bilýge qatysty aitylyp júrgen áńgimelerdiń zań sheńberindegi memlekettik baqalaý isine eshqandai qatysy joq. Mundai áńgimelerge tiisti organdar men elimizdiń basshylary zańdyq turǵydan óz baǵasyn berip júrgeni belgili.
Qazirgi tańda Qazaqstanda orys tili konstitýttsiialyq statýsy ie, ultaralyq qatynas tili retinde memlekettik qurylymdarda, jergilikti bilik oryndarynda, telearnalarda, kúndelikti ómirde keńinen qoldanylady.
Bizdiń elimizde respýbilkalyq jáne jergilikti aimaqtarda gazet-jýrnaldar shyǵady. Budan basqa Reseidiń memlekettik kanaldary óz habarlaryna erkin taratýda.
Qazaqstan Respýblikasyndaǵy barlyq mektepterde balalarǵa qazaq, orys jáne aǵylshyn tilderi oqytylady. Budan basqa orys tilinde sabaq beretin kóptegen mektepter jumys isteidi. Osylaisha qazaq qoǵamynda kóptildi baǵyt birtindep damyp keledi.
Slavian jastary men ózge de ulttardy jastar qazaq tilin meńgerip, jergilikti ultqa óz qurmetterin kórsetip keledi. Mine, bul qazirgi Qazaqstandaǵy shynaiy jaǵdai. Qazaqstandaǵy barlyq ulttardyń quqyǵy zańmen qorǵalǵan. Memlekettiń qamqorlyǵyn sezinip, alańsyz ómir súrip, damýyna barlyq jaǵdai jasalǵan.
Kez kelgen azamattyń jeke ómirge qol suǵýshylyq, el azamattarynyń orys tilin paidalanǵa, dini senimin saqtaýǵa, dástúri men ulttyq salt-dástúrin saqtaýǵa qatysty qandaida bir quqy buzylsa, Konstitýttsiia men zańdarǵa sáikes zańdy túrde sharalar qarastyrylady.
Men Sizdi bar ómirin halyq pen memlekettiń damýyna arnaǵan adam retinde Qazaqstannyń atyna jariia túrde aitylǵan dálelsiz málimdemeńizdiń jaýapkershiligi qanshalyqty aýyr túsinedi dep esepteimin.
Qazaqstan ulatarlyq kelisimdi sizdi «aralastyrmai-aq» óz betinshe sheship keledi.
Mundai oi-pikirińizdi Qazaqstan men Reseidiń arasyndaǵy berik dostyq qarym-qatynasty kóre almaityndar óz maqsatyna paidalanatynyn umytpańyz.
Vladimir BOJKO, Qazaqstandaǵy orys, slavian jáne kazaktary assotsiiasy uiymynyń tóraǵasy.
