Pavlodar oblysy prokýratýrasynyń málimetinshe, "Bogatyr Komır" JSHS korporatıvtik tabys salyǵyn zańsyz tómen mólsherlememen tólep kelgen. Kompanıa 15% ornyna 5% mólsherleme qoldanǵan, dep habarlaıdy Dalanews.kz.

Memlekettik kirister departamentiniń tekserisi barysynda salyqtyń ádeıi tómendetilgeni anyqtalǵan. Osyǵan baılanysty seriktestikke qosymsha 777 mln teńge kóleminde korporatıvtik tabys salyǵyn (KTS) óndirý týraly habarlama joldanǵan.

Alaıda seriktestik bul sheshimmen kelispeı, ákimshilik sotqa júgingen. Sot alǵashqy sheshimdi joqqa shyǵarǵanymen, oblystyq prokýratýra apelásıalyq shaǵym túsirdi. Pavlodar oblystyq soty prokýratýranyń ýájin oryndy dep tanyp, salyqty qosymsha esepteý týraly habarlamany zańdy dep sheshti.

Aıta keteıik, sottyń bul sheshimi áli zańdy kúshine engen joq.