Instagram-da utys oiynyn uiymdastyrǵan blogerler Erbolat Janabylov pen Elmira Tólegenovaǵa qatysty daý sotqa jetti. Isti Astananyń mamandandyrylǵan aýdanaralyq ákimshilik soty qaraidy, dep habarlaidy Dalanews.kz.
Týrizm jáne sport ministrliginiń lotereia jáne oiyn biznesin retteý komiteti Janabylovtar ótkizgen utys oiyndaryna qatysty tekseris bastaǵan.
Komitettiń málimetinshe, Erbolat Janabylovtyń paraqshasynda kún saiyn aqsha, kólik jáne ózge de baǵaly syilyqtar tigilgen utys oiyndary ótkizilgen. Mundai áreketter lotereia qyzmetin retteitin zańnama talaptaryna qaishy kelýi múmkin (Ákimshilik quqyqbuzýshylyq týraly kodekstiń 445-1-baby).
"Osyǵan bailanysty 26 tamyz kúni Janabylovqa qatysty Ákimshilik quqyqbuzýshylyq týraly kodekstiń 445-1-babynyń 6-bóligimen hattama toltyryldy. Advokatynyń ótinishi boiynsha is Astananyń mamandandyrylǵan aýdanaralyq ákimshilik sotyna joldandy", – dep habarlady ministrlik Tengrinews.kz-tiń resmi saýalyna bergen jaýabynda.
Komitet ókilderi Erbolat Janabylovtyń jubaiy Elmira Tólegenovanyń da is-áreketterine tekseris júrgizilip jatqanyn aitty. Qorytyndysy boiynsha tiisti sheshim qabyldanbaq.
Vedomstvo dereginshe, áleýmettik jelilerde zańsyz lotereiaǵa uqsaityn utys oiyndary týraly shaǵymdar jii túsedi.
"2024 jyly Instagram, TikTok, WhatsApp arqyly zańsyz utys oiyndaryn uiymdastyrǵan 101 jeke tulǵa ákimshilik jaýapkershilikke tartylyp, 43 mln teńge aiyppul salyndy. Al 2025 jyly 72 adamǵa 30 mln teńgeden astam aiyppul salyndy", – dedi komitet.
