Bloger Erbolat Janabylov kinásin moiyndamady, dep habarlaidy Dalanews.kz.
Astanadaǵy ákimshilik quqyqbuzýshylyqtar jónindegi mamandandyrylǵan aýdanaralyq sotta million jazylýshysy bar bloger Erbolat Janabylovtyń isi qaralyp jatyr. Sotta Týrizm jáne sport ministrliginiń Qumar oiyn biznesin jáne lotereiany retteý komitetiniń ókilderi sóz sóiledi.
"Bul kýrstar tek formaldy sipatqa ie, eshqandai praktikalyq qundylyǵy joq, al olardyń 30 myń teńgelik baǵasy negizsiz qymbat", - dedi olar sot otyrysy barysynda.
Eske salaiyq, Instagram-da utys oiynyn uiymdastyrǵan blogerler Erbolat Janabylov pen Elmira Tólegenovaǵa qatysty daý sotqa jetken bolatyn.
Týrizm jáne sport ministrliginiń lotereia jáne oiyn biznesin retteý komiteti Janabylovtar ótkizgen utys oiyndaryna qatysty tekseris bastaǵan.
Komitettiń málimetinshe, Erbolat Janabylovtyń paraqshasynda kún saiyn aqsha, kólik jáne ózge de baǵaly syilyqtar tigilgen utys oiyndary ótkizilgen. Mundai áreketter lotereia qyzmetin retteitin zańnama talaptaryna qaishy kelýi múmkin (Ákimshilik quqyqbuzýshylyq týraly kodekstiń 445-1-baby).
Komitet ókilderi Erbolat Janabylovtyń jubaiy Elmira Tólegenovanyń da is-áreketterine tekseris júrgizilip jatqanyn aitty. Qorytyndysy boiynsha tiisti sheshim qabyldanbaq.
