بلوگەر ەربولات جانابىلوۆ كىناسىن مويىندامادى، دەپ حابارلايدى Dalanews.kz.
استاناداعى اكىمشىلىك قۇقىقبۇزۋشىلىقتار جونىندەگى مامانداندىرىلعان اۋدانارالىق سوتتا ميلليون جازىلۋشىسى بار بلوگەر ەربولات جانابىلوۆتىڭ ءىسى قارالىپ جاتىر. سوتتا تۋريزم جانە سپورت مينيسترلىگىنىڭ قۇمار ويىن بيزنەسىن جانە لوتەرەيانى رەتتەۋ كوميتەتىنىڭ وكىلدەرى ءسوز سويلەدى.
"بۇل كۋرستار تەك فورمالدى سيپاتقا يە، ەشقانداي پراكتيكالىق قۇندىلىعى جوق، ال ولاردىڭ 30 مىڭ تەڭگەلىك باعاسى نەگىزسىز قىمبات"، - دەدى ولار سوت وتىرىسى بارىسىندا.
ەسكە سالايىق، Instagram-دا ۇتىس ويىنىن ۇيىمداستىرعان بلوگەرلەر ەربولات جانابىلوۆ پەن ەلميرا تولەگەنوۆاعا قاتىستى داۋ سوتقا جەتكەن بولاتىن.
تۋريزم جانە سپورت مينيسترلىگىنىڭ لوتەرەيا جانە ويىن بيزنەسىن رەتتەۋ كوميتەتى جانابىلوۆتار وتكىزگەن ۇتىس ويىندارىنا قاتىستى تەكسەرىس باستاعان.
كوميتەتتىڭ مالىمەتىنشە، ەربولات جانابىلوۆتىڭ پاراقشاسىندا كۇن سايىن اقشا، كولىك جانە وزگە دە باعالى سىيلىقتار تىگىلگەن ۇتىس ويىندارى وتكىزىلگەن. مۇنداي ارەكەتتەر لوتەرەيا قىزمەتىن رەتتەيتىن زاڭناما تالاپتارىنا قايشى كەلۋى مۇمكىن (اكىمشىلىك قۇقىقبۇزۋشىلىق تۋرالى كودەكستىڭ 445-1-بابى).
كوميتەت وكىلدەرى ەربولات جانابىلوۆتىڭ جۇبايى ەلميرا تولەگەنوۆانىڭ دا ىس-ارەكەتتەرىنە تەكسەرىس جۇرگىزىلىپ جاتقانىن ايتتى. قورىتىندىسى بويىنشا ءتيىستى شەشىم قابىلدانباق.
