BJZQ aktivteriniń kiristiligi ósip, trillion teńgeden asa aqsha qazaqstandyqtardyń esep-shottaryna taratylyp berildi. Alaida, BJZQ-nyń investitsiialyq kiristiligi jyl basynan beri jinaqtalǵan infliatsiiany báribir jaba almaýda, dep habarlaidy Dalanews.kz.
BJZQ zeinetaqy aktivteriniń kiristiligi 2025 jyldyń jeti aiynda 4,68%- ǵa deiin ósti (bir ai buryn – 1,51%). Jyl basynan beri tamyz aiyna deiin eseptelgen investitsiialyq kiristiń mólsheri 1,12 trln teńgeni qurady, delinedi qordyń investitsiialyq qyzmetine sholýda.
Bul rette kiristilik kórsetkishi jyl basynan beri jinaqtalǵan infliatsiiany áli de jaba almaýda (7,7%).
Sońǵy 12 aida, 2024 jylǵy shildeden 2025 jylǵy maýsymǵa deiin qazaqstandyqtardyń shottaryna jalpy kólemi 3,11 trln teńge mólsherinde investitsiialyq tabys aýdaryldy, infliatsiia 11,8% kezinde kiristilik kórsetkishi 14,74% -dy qurady.
"Zeinetaqy aktivteriniń jekelegen qysqa merzimdi kezeńderdegi kiristiligi olardy basqarý tiimdiliginiń kórsetkishi bolyp tabylmaidy, óitkeni qarjy quraldary jáne qysqa ýaqyt ishinde eseptelgen basqa operatsiialar boiynsha syiaqy túrindegi kirister ár kez osy kezeńdegi baǵaly qaǵazdar men valiýta baǵamdary qunyndaǵy aýytqýdan týyndaǵan somany jaba bermeidi. Sondyqtan investitsiialyq kiristiń mólsheriniń obektivti taldaýyn kem degende bir jyl ishindegi esep-qisapqa qarap jasaǵan jón", - deidi BJZQ.
1 tamyzdaǵy derek boiynsha, Ulttyq Banktiń senimgerlik basqarýyndaǵy BJZQ zeinetaqy aktivteriniń somasy 24,3 trln teńgeni qurady.
Buǵan deiin áleýmettik osal toptarǵa jatatyn tulǵalar birjolǵy zeinetaqy tólemderi túrinde salyq salynatyn tabysqa standartty salyq shegerimderin qoldanýǵa quqyly ekenin, sondyqtan 2021-2023 jyldary baspanaǵa jáne (nemese) emdelýge aqsha alǵan osy sanaǵatty azamattar jeke tabys salyǵyn keri qaitara alatynyn jazǵanbyz.
