بجزق اكتيۆتەرىنىڭ كىرىستىلىگى ءوسىپ، تريلليون تەڭگەدەن اسا اقشا قازاقستاندىقتاردىڭ ەسەپ-شوتتارىنا تاراتىلىپ بەرىلدى. الايدا، بجزق-نىڭ ينۆەستيسيالىق كىرىستىلىگى جىل باسىنان بەرى جيناقتالعان ينفلياسيانى ءبارىبىر جابا الماۋدا، دەپ حابارلايدى Dalanews.kz.
بجزق زەينەتاقى اكتيۆتەرىنىڭ كىرىستىلىگى 2025 جىلدىڭ جەتى ايىندا 4،68%- عا دەيىن ءوستى (ءبىر اي بۇرىن – 1،51%). جىل باسىنان بەرى تامىز ايىنا دەيىن ەسەپتەلگەن ينۆەستيسيالىق كىرىستىڭ مولشەرى 1،12 ترلن تەڭگەنى قۇرادى، دەلىنەدى قوردىڭ ينۆەستيسيالىق قىزمەتىنە شولۋدا.
بۇل رەتتە كىرىستىلىك كورسەتكىشى جىل باسىنان بەرى جيناقتالعان ينفلياسيانى ءالى دە جابا الماۋدا (7،7%).
سوڭعى 12 ايدا، 2024 جىلعى شىلدەدەن 2025 جىلعى ماۋسىمعا دەيىن قازاقستاندىقتاردىڭ شوتتارىنا جالپى كولەمى 3،11 ترلن تەڭگە مولشەرىندە ينۆەستيسيالىق تابىس اۋدارىلدى، ينفلياسيا 11،8% كەزىندە كىرىستىلىك كورسەتكىشى 14،74% -دى قۇرادى.
"زەينەتاقى اكتيۆتەرىنىڭ جەكەلەگەن قىسقا مەرزىمدى كەزەڭدەردەگى كىرىستىلىگى ولاردى باسقارۋ تيىمدىلىگىنىڭ كورسەتكىشى بولىپ تابىلمايدى، ويتكەنى قارجى قۇرالدارى جانە قىسقا ۋاقىت ىشىندە ەسەپتەلگەن باسقا وپەراسيالار بويىنشا سىياقى تۇرىندەگى كىرىستەر ءار كەز وسى كەزەڭدەگى باعالى قاعازدار مەن ۆاليۋتا باعامدارى قۇنىنداعى اۋىتقۋدان تۋىنداعان سومانى جابا بەرمەيدى. سوندىقتان ينۆەستيسيالىق كىرىستىڭ مولشەرىنىڭ وبەكتيۆتى تالداۋىن كەم دەگەندە ءبىر جىل ىشىندەگى ەسەپ-قيساپقا قاراپ جاساعان ءجون"، - دەيدى بجزق.
1 تامىزداعى دەرەك بويىنشا، ۇلتتىق بانكتىڭ سەنىمگەرلىك باسقارۋىنداعى بجزق زەينەتاقى اكتيۆتەرىنىڭ سوماسى 24،3 ترلن تەڭگەنى قۇرادى.
بۇعان دەيىن الەۋمەتتىك وسال توپتارعا جاتاتىن تۇلعالار ءبىرجولعى زەينەتاقى تولەمدەرى تۇرىندە سالىق سالىناتىن تابىسقا ستاندارتتى سالىق شەگەرىمدەرىن قولدانۋعا قۇقىلى ەكەنىن، سوندىقتان 2021-2023 جىلدارى باسپاناعا جانە (نەمەسە) ەمدەلۋگە اقشا العان وسى ساناعاتتى ازاماتتار جەكە تابىس سالىعىن كەرى قايتارا الاتىنىن جازعانبىز.
