Premer-ministrdiń orynbasary – Ulttyq ekonomika ministri Serik Jumanǵarin Senat tóraǵasy Máýlen Áshimbaevtyń AQSh-tyń shyǵyndardy ońtailandyrý jónindegi tájiribesine súiený týraly usynysyna qatysty pikir bildirdi, dep jazady Dalanews.kz.
Serik Jumanǵarin biylǵy biýdjet shyǵystary bastapqyda 32 trln teńge deńgeiinde bolǵanyn, biraq bul kólem biýdjetti bekitý kezeńinde 25,7 trln teńgege deiin qysqartylǵanyn eske saldy.
"Biýdjetti bekitý kezeńinde 6 trlndy "kestik", 400 mlrd teńge únemdi biz biýdjettik baǵdarlamalar ákimshileriniń ishinen "taptyq" jáne qazir áleýmettik blokty tolyq taldaýmen ainalysyp jatyrmyz, óitkeni respýblikalyq biýdjet boiynsha áleýmettik shyǵystar 37,5%, al jergilikti biýdjettermen birge eseptegende 50%-dy quraidy. Maǵan prezident Tramptyń ákimshiligindegi Ilon Mask júrgizip jatqan, iaǵni shyǵyndardy ońtailandyrý jumystaryn júrgizý týraly ideiasymen shyqqandar boldy. Biz qysqartýǵa múlde qarsy emespiz. Eger ol aqylǵa qonymdy bolsa jáne qarapaiym adamǵa ziiany timese, oǵan biz daiynbyz", - dedi ol.
Ol áleýmettik biýdjetti qospaǵanda, basqa biýdjetterdi qaita qarastyrýdy usynǵanyn aitty.
"Áleýmettik biýdjetti qysqartý óte qiyn, óitkeni bul kóp balaly analar, balalar, qarttar, zeinetkerler, biz áleýmettik memleketpiz ǵoi. Men biýdjettiń basqa túrlerin qarańyz dedim", - dep sózin túiindedi bul rette UEM basshysy.
Sondai-aq Serik Jumanǵarin QQS ósiminen biýdjetke túsetin túsimder Qazaqstandaǵy jalaqy men zeinetaqyny indeksteýge jumsalatyn shyǵystardy jabýǵa baǵyttalatynyn aitty.
"Bul indeksteý biýdjetke 800 mlrd teńge shyǵyn ákeledi. Kelip túsetin somamen salystyrǵanda bul óte jaqsy tsifr. Iaǵni, biz bul somany ońai eńsere alamyz. Ártúrli nusqalar boiynsha barlyq qajetti esepter júrgizilip qoidy. Jalǵyz nárse qaldy, qazir Ekonomikalyq zertteýler institýty týyndaýy yqtimal reaktsiialardy zerttep jatyr, túsindińiz be? Biz de biznestiń ashýyna tigendi qalaimyz. Biz úshin jalpy jaǵdaidy baǵalaý mańyzdy. Shaǵyn, orta, iri sektorlar boiynsha biznes túrlerine qatysty áserdi egjei-tegjei qarastyrý qajet. Bul shynymen de kúni-túni damylyssyz atqarylyp jatqan úlken jumys", - dedi ministr.
Jumanǵarin Ulttyq ekonomika ministrliginiń qyzmetkerleri 21 jeltoqsannan bastap demalys kúnderinsiz jumys istep jatqanyn naqtylady.
Buǵan deiin saitymyzda "Áshimbaev Ilon Maskty mysalǵa aldy". Senat Biýdjet kodeksiniń jobasyn Májiliske keri qaitardy" degen matreial jariialanǵan bolatyn.
