Álemjelidegi qaýym buǵan jedel nazar aýdaryp, otyrystyń tek resmi tilde óterine shaǵymdanǵan dep habarlaidy Dalanews.kz.
Yerzjan J-n esimdi jeli qoldanýshysy Kolesa Conf-ty uiymdastyrýshylarǵa osyǵan qatysty eskertý qoiǵan. Erjan eki aradaǵy dialogty jelige jariialaǵan eken.
Ol konferentsiianyń saity túgeldei oryssha ekenin, sharaǵa jaýaptylar anonstiń ózin tek resmi tilde ázirlegenine qynjylys bildirgen.
Onyń qazaq tiline qatysty talabyna uiymdastyrýshy tarap: "Kolesa Conf orys tilinde ótedi, eldegi IT-aýditoriianyń 90 paiyzy orystildi" dep jaýap qatqan. Keiinnen "qolaisyz suraqtar" qoiǵan qoldanýshyny bloktap tastaǵan. Kolesa Group muny "kompaniiaǵa kibershabýyl jasaldy" dep túsindiripti.
Eki aradaǵy dialogty elekten ótkizgen Dalanews osynaý sharaǵa qazaqtildi spikerlerdiń shaqyrtý almaǵanyna nazar aýdardy.
"IT saladaǵy qazaqtildi mamandardy bólip-jarý aqylǵa siia ma? Olardy óz tilinde pikir bildirýge múmkindik beretin alańnan alastatyp otyr. Kolesa-nyń operatorlary meniń janaiqaiyma qulaq aspai, keýdemnen keri iterýge tyrysty. Olar Mýhoriapovtyń qateliginen sabaq almapty.
Bul máselede únsiz qalýǵa bolmaidy. Óreskel, soraqy jaitty jelige jariialadym. Ony el-jurt estidi. Toptaǵy qazaqtildi "aitishnikter" oiana bastady. Kolesa menedjerleri bizdiń tilge qatysty shaǵymymyzdy óshirip, jappai buǵattaýǵa kóshti", - deidi Erjan.
Erjan bastaǵan qazaqtildi mamandar jappai narazylyq bildirgennen keiin kompaniia basshylyǵy anonsty jarym-jartylai qazaqshalap, jaǵdaidy túsindirýge tyrysqan eken.
"Biz Qazaqstan naryǵyna úlken úles qosyp kelemiz: paidaly maqalalar jazyp, kásibi is-sharalar ótkizemiz, naryqty tek paidaly materialdarmen qamtamasyz etý úshin kásibi taqyryptaǵy ár jariialanym muqiiat tekseriledi. Kompaniia birinshi bolyp qazaq tilinde avto jáne jyljymaityn múlik naryǵy týraly joǵary sapaly kontent jasai bastady", – dep jazdy kompaniia ókilderi.
Sonymen qatar olar qazaq tilindegi kontenttiń kóbeiýine úles qosyp jatqanyn aitqan. Qazaq tilinde kezdesý ótkizgileri kelgenmen, talqylaityn taqyryp taba almapty.
Al qazaqtildi segment Kolesa-ǵa baiqap jariialamaq. Onyń barysyn osy aradan baqylap otyrýǵa bolady:
https://t.me/dalainside/1451
