«Bizdi jumyssyz qaldyrmaq». BQO temirjolshylary Toqaevtan kómek surady
– Bizder 2017 jyldan beri temirjol ótkilderin kúzetý isimen ainalysyp kelemiz. Biz kúzetetin aýmaqpen «Nur-Sultan – Oral» baǵytyndaǵy júrdek poiyz ótedi. Basshylyq 13 mamyrdan bastap jol boiynda kúzet ustaý shyǵyndy aqtamaitynyn aityp, kúzit qyzmetin qysqartýdy josparlap otyr. Bizdiń jumysymyz jyldar boiy adamdardyń ómirin saqtap keldi. Kún saiyn temirjol ótkelderimen avtokólik pen mal aidaǵan halyq ótedi. Biz olardyń qaýipsizdigin qamtamasyz etip keldik. Muny basshylyq túsinip otyrǵan joq. Qurmetti Prezident myrza, osy iske aralasyp, bizdiń jumys ornymyzdy saqtap qalýǵa kómek kórsetýińizdi suraimyz, – dep BQO temirjolshylary óz ótinishin jetkizdi.
Toqaevqa baǵyttalǵan video úndeý 1 mamyr kúni jazylǵan. 2 mamyr kúni Shyńǵyrlaý aýdany ákimniń orynbasary Azamat Bisembaev osy másele boiynsha keńes ótkizip, túitkildi sheshýge kúsh salyp jatqanyn jetkizdi.
Olar aldaǵy ýaqytta QTJ basshylyǵymen de kózdespekshi eken. Ákim orynbasary bul másele ákimdiktiń baqylaýynda ekenin alǵa tartqan.
