"Birinshiden, Frantsiiamen oiyndaǵy sátsizdik úshin otandyq jankúierlerden keshirim suraimyn. Biz árbir jeńilisti aýyr qabyldaimyz. Taǵy bir aitarym, negizgi quramdaǵy oiynshylardyń kópshiligi jaraqatyna bailanysty Parijde oinai almady. Búgingi tańda bizde ulttyq quramanyń rezervi joq ekenin aita ketken jón. Komanda kóshbasshylaryn aýystyrǵan oiynshylar halyqaralyq deńgeide oinaýǵa áli daiyn emes.
Qoǵamda aitylyp jatqan synǵa keletin bolsaq, men ashyq aitaiyn: osy jáne ótken jyldary Qazaqstan fýtbol federatsiiasyna memleket biýdjetinen 200 million teńge bólinip, ol túrli jastaǵy (U17, U19, U21), Blind-Football (zaǵip jandarǵa arnalǵan fýtbol), áielder, jaǵajai jáne fýtzal komandalarynyń oqý-jattyǵý jiyndaryn uiymdastyrýǵa jáne jarysqa qatysýy úshin jumsaldy.
Qandai milliardtar týraly aityp otyrǵanyn túsinbedim?
Kelesi jyldan bastap Qazaqstan fýtbol federatsiiasy memlekettik qurylymdar tarapynan jasalatyn qarjylandyrýdan bas tartý týraly sheshim qabyldady. Uiym ÝEFA-dan túsken qarajat esebinen, sondai-aq demeýshilerden aqsha tartý arqyly qarjylandyrylady.
Sondyqtan ulttyq quramanyń sátsizdiginen keiin ózin jarnamalaǵysy keletin synshylarǵa aitarym: tym bolmasa máseleni tereńinen túsinip kórińiz, bos sóz aitpas buryn materialdy zertteńiz.
Bizdiń elde fýtbol árqashan bolǵan jáne ári qarai da bola beredi. Bul milliondaǵan adamdar qyzyǵatyn nómiri birinshi sport túri. Árine, ony jańa deńgeige kóterý úshin ýaqyt pen fýtbolǵa bei-jai qaramaityndardyń qoldaýy qajet. Ulttyq qurama jeńiske jetkende, keshegi taqqan aiyptaryńdy umytyp, únemi qoldadym deisiń. Sondyqtan, jeńilgen kúnde de, jeńiske jetken kezde de árqashan komandamen birge bolý kerek.
Sondai-aq aldaǵy ýaqytta ulttyq quramanyń bas bapkerimen birge qoǵamdy tolǵandyryp júrgen suraqtarǵa jaýap berý maqsatynda jetekshi sport jýrnalisterimen kezdesý ótkizetinimizdi aita keteiin", - degen Aithojinniń sózin aladop.kz keltiredi.
