Bizde nege ajyrasý kóp?
"Eýraziia álemi" pikirsaiys klýbynda osyndai mańyzdy másele talqyǵa salyndy. "Postkeńestik keńistiktegi otbasy institýty jáne otbasylyq saiasat" atty taqyryppen uiymdastyrylǵan sharada osy máselege qatysty ózekti pikirler ortaǵa salyndy.
Saiasattanýshy Edýard Poletaevtyń aitýynsha, elimizde otbasylyq qundylyqtardy nasihattaýda úlken jumystar júrgizilýde.
"2013 jyldan bastap qyrkúiek aiynyń ár jeksenbisinde Qazaqstanda otbasy kúni ótkiziledi. Byltyrǵy jyldyń aqpan aiynda Qazaqstanda Bala quqyǵy boiynsha ókiletti institýt qurylyp, dál sol jyldyń aiaǵynda Qazaqstannyń 2030 jylǵa deiingi Otbasylyq jáne genderlik saiasatqa qatysty tujyrymdamasy qabyldandy. otbasy qundylyǵyn arttyratyn baiqaýlar da turaqty túrde ótkizilip otyrady. Aitalyq, "Mereili otbasy" ulttyq baiqaýyna qatysatyn januialardyń sany jyl saiyn artyp kele jatyr" dedi ol.
Óz kezeginde "Nur Otan" partiiasy Almaty qalasy boiynsha filialynyń tóraǵasy Juldyz Omarbekova buǵan qarsy ýáj aitty.
"Statistika basqasha sóileidi. Sondyqtan shyndyqtyń kózine týra qaraý kerek dep sanaimyn.
Jyl ótken saiyn elimizde ajyrasý sany artyp keledi.
Mysalǵa 2012 jyly Qazaqstanda 47 598 ajyrasý tirkelgen jáne jyl saiyn artyp otyrǵan. Dálel kerek pe? 2013 jyly - 51 305, 2014 jyly - 54 438, 2015 -
53 007 ajyrasý jaǵdaiy tirkelipti. Saiyp kelgen kezde elimizdegi árbir tórtinshi otbasy aqyr aiaǵy ajyrasyp tynady degen sóz.
Mine, Qazaqstandaǵy otbasylyq qundylyq máselesi týraly aitqanda osy sandardan attap kete almaimyz" dedi ol.
Al ǵalym Evgenii Pastýhovtyń aitýynsha, neke týraly túsiniktiń ózi memlekettik deńgeidegi dúnie. Bul moral máselesi. Al moral máselesine kez-kelgen memlekette sol eldiń áleýmettik-ekonomikalyq jaǵdaiy áser etedi.
"Aitalyq, biz nege sońǵy kezderi kóńildes pen toqal máselesin jii talqylap kettik. Sebebi, qoǵamdyq moral bizdi soǵan itermelep otyr" dedi Pastýhov.
Taqyrypty túiindegen saiasattanýshy Zámir Qarajanov jiynǵa qatysýshylarǵa "Bizde otbasyǵa qoldaý kórsete alatyn nendei dúnie bar?" degen saýal qoidy.
– Aitalyq, Qazaqstanda otbasymen birge demalatyn saýda oiyn-saýyq ortalyqtarynan basqa ne bar, aityńyzdarshy?Almatyda ótken Ýniversiada oiyndaǵy elimizde otbasylyq demalysqa degen suranystyń joǵary ekenin kórsetip berdi. Saiyp kelgende, bul árbir otbasyly adamnyń aldynan shyǵatyn saýal. Otbasyńmen birge qaida baryp demalýǵa bolady? Bul mańyzdy dúnie" dedi saiasattanýshy.
