Qazaq ulylarynan aiyrylyp jatyr. Jýyq jyldary marǵasqalarymyzdyń býyny – kileń korifeiler o dúnielik boldy. Qadyr Myrza-Áli, Tumanbai Moldaǵaliev, Ázilhan Nurshaiyqov, Qalihan Ysqaq sekildi biregeiler birinen soń biri ketti. Taǵdyry tarǵalańda ótken Talasbek Ásemqulov pen Ámirhan Balqybekti, Didahmet Áshimhandy jer qoinyna tapsyrǵanymyz kúni keshe sekildi seziledi. «Ólmeituǵyn artyna sóz qaldyrǵan» osynaý shoǵyrdy oilaǵanda, endigi tiri klassikterimizdi qadirlei alsaq bolar edi degen oi keshetinbiz. Oǵan ýaqyt shirkin toqtar ma? Ultqa aqsaqaldyq sóz arnar tulǵalar azaiyp barady. Bary únsiz!.. Kezek kútip, jaǵada tur...
Esimizdi jinap úlgermei, birinen soń biri attanyp kete bardy.
Qaitys bolarynan birer kún buryn qasqa mańdaiy jarqyrap, «qatepti qara nardai» tulǵasyn ekrannan kórgende, Ábish Kekilbaevtai kenenimizdiń barlyǵyna shúkirlik etken edik.
Sol kenenimiz kelmes saparǵa ketkenin estigende óz qulaǵymyzǵa ózimiz senbedik. «Áleýmettik jeli» qaraly habardan kórinbei ketti. Negizinen aqyn-jazýshy, jýrnalister qaýymy Ábish Kekilbaevtyń bolmys-bitimi týraly keńinen tolǵap, bir-birine kóńil aitýmen boldy. Tek resmi aqparattarǵa qarap, kóńilimiz jarym bolǵanyn nesin jasyralyq.
[caption id="attachment_12772" align="alignleft" width="260"]
Ábish Kekilbaevtyń qazasy qatardaǵy qaza emes. Iá, Kekilbaev áýletine resmi bilik ókilderi de kóńil aitty. Tipti, Prezident Nazarbaevtyń ózi arnaiy otbasyna kirip, qazalarymen ortaqtasyp qaitqany týraly da oqydyq. Bizdi «áttegen-ai» degizgeni «Qazaqstan», «Habar» sekildi memlekettik telearnalardyń uly tulǵamen qoshtasý týraly aqparatty ózge jańalyqtardyń eń sońynan bergeni boldy. Kúndelikti habarlarda rýhani materialdardy ózge jańalyqtardan keiin kórseteti daǵdylary bolatyn. Bul joly da sóitti. «Sport» týraly jańalyqtardyń qataryna qosty. Ózge-ózge, Ábish Kekilbaev bul kemerge syimaityn tulǵa edi. Susy da, mysy da basym darabozdy biz nege tiisti deńgeide shyǵaryp sala almadyq? «Ulttyq panteonǵa» jerlengenin aitpai-aq qoiyńyz, Ábishtiń qadiri ol ólshemmen bitpeidi.
Byltyr Garsia Markes qaitys bolǵanda, Kolýmbiia ne istep edi?! Búkil el bolyp aza tutyp, kúńirengen joq pa edi?! Memlekettik telearnalary dyr-dýmandy azaityp, azaly habardy álemge estirtpep pe edi?! Prezidentiniń ózi búkil álem aldynda kóńil aityp, uly qundylyǵynan aiyrylǵanyn basyn iip moiyndamap pa edi?.. Bizdiń Prezident telearnalardan bir aýyz sóz aitýǵa, Ábishti joqtamasa da, qurmet bildirýge tiis edi... Qaraly qoshtasýǵa kelse, tipten oryndy bolar edi-aý... Kolýmbiia úshin G. Markes qandai bolsa, biz úshin Ábish sondai tulǵa!
Ult qýana da, qaiǵyra da bilýi kerek. Biz úshin Ábish eki týmaityn tulǵa. Onyń ómiri men shyǵarmashylyǵy týraly san habar jazyp, san ret tolǵatqanmen, naqty baǵasyn bere alýymyz qiyn. Uly Muhtar Áýezov qaitys bolǵanda Qadyr Myrza-Áli: «Úlken eken ǵoi qashanda, Kishkene eldiń qaiǵysy» dep tolǵaǵan eken. Áýezov qaitpas saparǵa attanǵanda ult bolyp kúńirengen desedi búkil qazaq. Al Ábishtiń qazasyna tek «Áleýmettik jelide» emes, shyn ómirde kúizele aldyq pa? Joq!
[caption id="attachment_12773" align="alignright" width="255"]
Kúizelsek, memlekettik týdy tómen túsirip, aza tutar edik. Ult bolyp, memleket bolyp. Yrdý-dyrdýdy azaityp, telearnalarda oilamdy áńgimeler órbiter edik. Qairat Nurtastyń keshi týraly bitpes áńgimeni qońyrsytpai, Ábishtiń máńgilik murasy týraly keleli keńes qurar edik. Birden bir ulttyq arnanyń ózi «Qairattyń keshin tikelei efirden» kórsetkenderin «buryn-sońdy bolmaǵan» jańalyq dep jar salýmen boldy. Byltyr Garsia Markes qaitys bolǵanda, Kolýmbiia ne istep edi?! Búkil el bolyp aza tutyp, kúńirengen joq pa edi?! Memlekettik telearnalary dyr-dýmandy azaityp, azaly habardy álemge estirtpep pe edi?! Prezidentiniń ózi búkil álem aldynda kóńil aityp, uly qundylyǵynan aiyrylǵanyn basyn iip moiyndamap pa edi?.. Bizdiń Prezident telearnalardan bir aýyz sóz aitýǵa, Ábishti joqtamasa da, qurmet bildirýge tiis edi... Qaraly qoshtasýǵa kelse, tipten oryndy bolar edi-aý... Kolýmbiia úshin G. Markes qandai bolsa, biz úshin Ábish sondai tulǵa! Garsiany álem tanysa, Ábishti alty alash, túrki juraǵaty túgel biledi. «Shyńyraý», «Ańyzdyń aqyry», «Hansha Dariia hikaiasy» sekildi ólmes týyndylary qazaq rýhaniiaty úshin emes, álem ádebieti úshin de mańyzyn joǵaltpas qundylyqtar. Tek sonyń qadirin bile alsaq...
Biz qazir kishkene halyq emespiz. Óz erkimiz ózimizge tigen egemen elmiz! Biz Ábishti joqtasaq, ol úshin emes, ózimiz úshin, búgingi aqshadan ózgege bas aýyrtýdan qalyp bara jatqan qoǵamnyń esin jiǵyzyp, ult ekenimizdi seziný úshin joqtaýǵa tiispiz! Ábish aqsaqalǵa endi bizdiń ótirik eńiregenimizdiń soqyr tiyndyq keregi joq...
Biz qaiǵyra almaityn kepke tústik. Bizdiń qaiǵymyzdyń ózi ótirikke, uranǵa ainalypty. Qýaný, shattaný, urandatý – bular ótirik pen kólgirlikke jaqyn sezimder onsyz da. Al shyn qaiǵyrýda jasandylyq bolmaýshy edi.
Biz umytshaq halyqqa ainaldyq. Búgingini erteń umytyp, qara jerdiń ózi shydas bermes qasiretterimizdi esten shyǵaryp, dyr-dýmanǵa toly dúniege tez úirenetin boldyq. Jaqsylyq pa?! Bilmeimin...
Qosh bol, Ulttyń uly bailyǵy!.. Biz kimnen aiyrylǵanymyzdy áli-aq túsinetin bolamyz!..
«Qala men Dala»
