Atyraý qalasynda azamattyq belsendiler Maks Bokaev pen Talǵat Aianovtyń isine qatysty sot ótip jatyr. Beisenbi kúni sottalýshylardyń advokaty Tólepqali Aianov jańa ótinish túsirdi. Ol shymkenttik kásipker Toqtar Tóleshovtiń "zańsyz miting uiymdastyr" dep Talǵan Aianovqa berdi delinetin aqshalardyń nómirlerin zertteýin surady.
Sýdia Gúlnár Daýleshova bul ótinishti qabyldaǵan joq. Óitkeni Tóleshovtiń isin basqa sot qarap jatyr, dedi ol.
Odan soń sot otyrysynyń sot tergeýi kezeńine ótkeni jariialandy, prokýror Sadyqov aiyptama aktisin oqyp shyqty. Prokýror Boqaev pen Aiandy halyqty Atyraý qalasynda 24 sáýirde jer reformasyna qarsy mitingke shaqyryp, baspasózdi qoldaný arqyly áleýmettik arazdyq týǵyzǵan dep aiyptap otyr. Sottalýshylar bul aiyptaýlardy buǵan deiin birneshe márte joqqa shyǵarǵan, belsendiler bul istiń saiasi astary bar dep esepteidi.
"Qazaqstanda azamattarǵa beibet jiyndar ótkizýge quqyq beretin zań bar. Bul zańnyń kúshi joq bolsa, onda ony nege alyp tastamaidy? Meni ne úshin aiyptap otyrǵanyn túsinbeimin", - dedi Maks Boqaev.
"Biz óz jerimizdi qorǵadyq, endi bizdi qylmysker retinde kórsetip otyr", - dedi Talǵat Aian.
